Ogbonge Naija opposition party, All Progressives Congress (APC), don tok say Naija pipple don enter one chance moto with Presido Goodluck Ebele Jonathan.

Na APC Interim National Chairman, Chief Bisi Akande, tok dis one yestade for Lagos when hin dey yan with amebo news piple for wetin dem call world press conference.

Oga Akande come tok say Naija don become like aeroplane wey dey for auto-pilot, meaning say de plane no get pilot again.

Oga Akande come dey shout dey say Chei! Chei! Chei!! How we go tok say we get gofanment for dis obodo Nigeria when bifor our korokoro eyes Boko Haram bad boys fir enta Governmrnt Girls Secondary School, Chibok, Borno State, and thief ova 200 asampete girls and nobody don come see dem since Boko thief dem since April 14?

De APC Oga Patapata come hala dey tok say as we seeam so, Naija don tanda for weting hin koll de “rim of crisis” – na dat be say wahala just dey stat smoll, smoll. Oga Akande come dabaru for ground dey beg Presido Jonatha say Oga, abeg make yu shine ya eyes wellu wellu and comot us for dis wahala bifor Niaja go kpeme finish.

As Oga Akande tok-am for Queen’s English: “The time for excuses and half-measures is long past. The well-being of the nation hangs in the balance. If we do not act decisively, the demands of the moment will find us wanting and history will issue a terrible verdict against us.

“We seek to protect this nation and its children. We seek to establish a legacy that shows the feats to which this nation can aspire when it stands united and strong against the threat of evil. We seek to make Nigeria a land where no one will ever have to demand that our girls be returned because, in a better, more secure Nigeria, they never will be taken.”

Oda APC Oga and Oga Madam wey dey dia when Oga Akande dey tok all dis one na Interim National Secretary, Tijani Tumsah; National Treasurer, Hajia Sadiya Umar Farouq; National Organising Secretary, Senator Osita Izunaso; National Woman Leader, Mrs. Sharon Ikeazor; Senator Annie Okonkwo; Alhaji Lai Mohammed; and Women Leader (Lagos APC), Mrs. Kemi Nelson.

•Photo shows Presido Goodluck Ebele Jonathan.

Update news