News Express banner Camano banner
Na orisirisi sisi dem full for Lagos road o!

By News Express on 16/04/2019

Views: 350


Dis world don pafuka patapata. I swear!  And na for Lagos e bad pass. Di kind orisirisi tings wey we taxi driver dey see for Lagos road eferyday, if we tell una all, hmmm, some people go  faint, some go just peme straight.

Na so I siddon for our garage yesterday o, one sisi like dat rush enter. E say make I carry am quick, quick go for Sheraton, say e don already late. I tell am my price, e gree.

As Sheraton no too far, I say make e jump inside. Di sisi open passenger door for front and enter.

If you see dis sisi, hmm, you must to swallow saliva if you be correct man. Everyting for im body just stand like Standard Bank.

Di paw paw wey dey for im chest and im boysquarters for back, na equal and opposite, like balance equation. See di heavy red lip stick wey e take plaster for im mouth. Tori Olorun!

And di ting be say, di sisi na young, sweet sisi. I fit swear say dat sisi no senior Funke, my second woman pikin wey wan take JAMB dis week wey we dey inside so.

But dat sisi sabi talk oyibo, ehn! E just dey speak twee, twee, twee, twee for nose.

Na im I tell am say make e come down to my own level, make e forgot all dis twee, twee wey e dey speak so. Di sisi say make I no vex, say e be model, say na so dem train dem to dey speak for nose.

E say na one big oyibo company like dat wey invite dem for audition for Sheraton. Say dem need only four model wey dem wan carry go abroad for one ogbonge job wey dem go pay in dollar. I say shuooorrr!  Na im I put leg for trottle, dey fire dey go.

Di sisi say, e tell im manager make e meet am for house dat early morning, but wen time reach, di man call am for phone, tell am say e no go fit come again, say e dey purge. Na im make e rush come carry me for drop for our garage wey dey for near Ikeja under bridge.

Di sisi ask me say, as e no get manager so, weda I go do manager for am for dat day.

My mind go reach oyibo contry wey dem wan travel go. My mind enter di plenty dollar wey di oyibo company wan pay dem. I talk am for my mind say after all I be good manager nah. Abi na who dey helep me manage my guonguoro.

Na im I tell am say why not, if not? I say I go manage am even pass im manager sef. Di sisi tap me for my back and say, “That’s my manager. Keep it up baby!”

Me, baby? Today na today. But make I talk true, wen dat sisi take hand touch my back, my body come be like say I enter swimming pool. My body just cooole one time.

If no be say I get experience for dis taxi work, I for drive go jam di LASTMA wey tanda dey conduct traffic for dat Opebi junction because of how my body sweet me.

Wen we reach for Sheraton, come see sisi dem berekete. Na orisirisi sisi dem full for dia – large, extra large, lepa, lepa shandy, black, chocolate and di ones wey yellow pass yellow fever sef.

All di sisi dem don change and wear swimming pant before me and my model arrive.

Na im my model say make I follow am rush enter toilet make e change im clothe. I ask am weda dem go allow me follow am enter woman toilet, e say ok make we go for man toilet.

As we just enter di toilet and close door, di sisi turn im back for me, e say make I pull down di zip of im dress. I manage pull am. E say make I comot im dress for am. I ask am weda e no fit comot clothe by imsef, di sisi say weda I no be im manager, say all na part of manager work. Na im I comot im clothe for am.

I come see say na one kind big foam di sisi put for im bra take am pad im paw paw. Wen e remove im bra, my broda, my own paw paw sef na extra large, e big pass dis my model own hundred times.

Dat one na small ting o.

Di sisi say make I comot im dross for am. I say shuoooor. E say make I do quick, say make I remember say e don late.

Na so I bend down, begin pull down my model dross. Na so one long ting like snake just slap my face ppuuaarrh !

My broda, na man like me I dey deal with since!!

See di kind speed wey I take open di toilet door, run comot go jump inside my guonguoro for car park and took off!

Beware! No be all sisi wey you see for Lagos road be sisi o.

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 16/04/2019 12:02:09 PM

 


 

CLASSIFIED ADS

 

You may also like...
Cholera Outbreak: Death toll rises to 47 in...

Abia commissioners and portfolios

Vigilante Security Summit holds in Abuja Monday

Buhari’s visit: Police reads Riot Act to IPOB,...

Buhari bent on Islamising Nigeria: CAN

Google celebrates Christy Essien-Igbokwe's posthumous birthday

RIGHTSView: A CASE FOR A LIBERAL FIREARMS' LICENCE...

Update on Lagos plane crash: Official death toll...

Fire destroys fish market in Maiduguri

Manchester United ready to break bank for Real...

431 Pharmaceutical shops sealed in Imo

IPOB: Free me as Kanu’s surety, Abaribe begs...

 

Latest News Scores of travellers abducted along Birnin Gwari – Kaduna road How four Boko Haram suspects were arrested in Auchi Gunmen kidnap 8 women, one other in Niger Police raid FUTO, nab cultists Killer Herdsmen, Bandits, Kidnappers: It is time for state police before we all die — CAN Traditional council shuts down Baptist church indefinitely over ‘cleansing’ by Pastor Police recover weapons at PDP, APC secretariats in Kano, arrest eight suspects Ministerial appointments: The cabinet Buhari needs — Bakare Buhari to tribunal: I beat Atiku in his polling unit No apologies over bombing of bandits — Yari Loss of lives should stop¸ Ishaku tells Taraba residents at Easter Atiku: I was born by Nigerian parents from Sokoto, Jigawa

 

Most Read NUDE PHOTO OF OMOTOLA JALADE-EKEINDE surfaces online (470,258 views) Nigerian female sex addict opens up, says ‘I like it with both men and women’ (414,728 views) Shameless Genevieve Nnaji exposes breasts in public (352,207 views) Finally named: The full list of friends of Nigerian female sex addict who prowled Facebook (301,650 views) OLUMBA OLUMBA OBU (the one who called himself God) IS DEAD (265,897 views) Igbo scholar disgraces Femi Fani-Kayode •Demolishes claims on Igbo/Yoruba history with facts and figures (238,982 views) Breaking News: POPULAR REVEREND CONVERTS TO ISLAM in Kaduna (Nigeria) (225,920 views) OBJ’s son reported dead in Lagos plane crash •Names of more victims emerge (207,457 views) My wasted years in Olumba Olumba Obu’s Evil Brotherhood (196,442 views) 10 cars more expensive than Jets (188,460 views) THE FINAL DISGRACE: Igbo scholar unleashes more facts about Igbo/Yoruba history, finishes off Femi Fani-Kayode with second article (179,003 views) Lagos plane crash: Journalist releases victims’ names (178,431 views)

 

UBA Wise Savers Promo

 

Categories Advertorials (3) African Press Organisation (81) Art & Literature (86) Business & Economy (4,209) Business Verdict (65) Columnists (1,017) Complaints & Requests (95) Enterprise & Opportunities (208) Entertainment (607) Features (746) Global Business Monitor (343) ICT Monitor (35) International (3,339) Interview (176) Live Commentary (29) Love Matters (155) Maggie's Blog (232) News (45,176) Opinion (1,225) Pidgin (17) Politics (10,627) Religion (982) Sports (1,963) Stock Watch (39) AMA & Al Jazeera Global Update

 

 

 

 

 

APO Group Partner

 

 

CLASSIFIED ADS

GOCOP Accredited Member

GOCOP Accredited member

 

 

Africa Media Agency and Al Jazeera