Ref wey dey go world cup give 10 red card for one hot final match

Posted by News Express | 8 November 2022 | 370 times

Gmail icon


 

 

Na NELSON DAFE dey nack dis tori

One referee wey go blow for World Cup for Qatar Facundo Tello don give 10 red cards for one big final match for one tournament wey dem dey call Champions Trophy for Argentina on Sunday.

Wetin cause am be say Racing Club midfielder Carlos Alcaraz cause fight wey he go dey celebrate for front of Boaca Juniors fans afta him score di winning goal.

Di two teams been dey play 1-1 when Alcaraz come nack header enta net for extra time to win di match for Racing Club.

But him come dey over celebrate for front of Boca fans. Dis wan come vex Boca players and one video come show as di Boca players grab Alcaraz for ear come use ball stamp am.

Tello, wey be one of di ref wey go officiate for di world cup wey dey come so, come give Alcaraz red card and he come still tear red card give 5 Boca Juniors players afta di fight.

All in all, na 7 red card dem give Boca Juniors players and 3 red card dem give Racing Club players for di match.

Norberto Briasco na e score first for Boca Juniors before Matias Rojas come equalize for Racing Club for first half.


Source: News Express

Readers Comments

0 comment(s)

No comments yet. Be the first to post comment.


You may also like...