Jurgen Klopp say Gabriel Agbonlahor dey yab Man United like say he don forget say he first play ball

Posted by News Express | 20 August 2022 | 319 times

Gmail icon


Na NELSON DAFE dey nack dis tori

Liverpool coach Jurgen Klopp say na small thing he been don make call to one radio station to yan wey he dey hear as Gabriel Agbonlahor dey yab Man U after dem lose 4-0 to Brentford.

Agbonlahor call Man U team rubish for the Talksport radio program.

Man U go host Liverpool on Monday night for week 3 for English premier league.

“Wetin he talk about United ehn, I been wan call to tell am say ‘e be like say you don forget say you be player before’,” na so Klopp yan.

Agbonlahor, wey dey 35 years now, play for Aston Villa wey Liverpool waya dem 6-0 for Anfield for February 2016. Villa go relegation dat season.

Klopp don win di premiership and Champions league with Liverpool. He say Liverpool players too get mind na make dem dey win well well.

“Agbonlahor lose 6-0 to my Liverpool team for my first year for here. I no see am as person wey get strong mind for inside field,” na so Klopp yan.

“Nawa. If pipul wey don first play ball dey tok like dis, just imagine as everything go be,” na so Klopp still tok.

Agbonlahor come reply Klopp with one picture wey he tweet wey show as he dey celebrate di goal wey he score for Anfield when Aston Villa go beat Liverpool 1-0 for 2014. He come write say: “Na di strong mind to win 1-0 for Anfield na e be dis.”

Source: News Express

Readers Comments

0 comment(s)

No comments yet. Be the first to post comment.

You may also like...