Student don land for court sake of say e touch small girl breast and nyash

Posted by News Express | 7 May 2022 | 419 times

Gmail icon


 

One 20 years old student Ebere Obasi don enta kasala because e go dey disturb one 15 years old girl on Friday. Now di boy don see imself for Ikeja magistrate court.

Police carry Obasi go court.and come tok say e dey harras di young girl wey be minor for kerewawa.

Sha, di student tell court say e no do dat kind thing.

Di policeman wey carry di matter for head DSP Kehinde Ajayi tell court say di mata hapun for April 22 for Segun Matanmi street for Akasan, Lagos.

Ajayi say di boy touch di girl breast and come tap her nyash and dis na against di law.

Di chief magistrate wey dey judge di mata, Mrs Ejiro Kubeinje come yan say dem fit bail di boy for 200,000 naira and two pipul need to stand for am make e no run.

Di judge say di two pipul wey go stand for Ebere so must get beta work and go show evidence say dem dey pay tax to lagos state gofment.

She come say court go come back come for June 6 for di mata.


Source: News Express

Readers Comments

0 comment(s)

No comments yet. Be the first to post comment.


You may also like...