VAL result don dey come out (2)

Posted by News Express | 25 February 2022 | 527 times

Gmail icon


 

Di bobo sef no easy. If you jus see am, you no go need Babalawo to tell you say na Yahoo boy be dis.

Di bobo plait im hair, den come wear ear ring and even for nose. E use gold take cover one teeth for mouth. And di chain wey e wear for neck long pass chain wey dem dey use chain dog. Na wa o!

Di sisi take hand grab di bobo for shokoto trouser, e dey try how e go even take grab di bobo kini make e for cut am off sef. Tank God say di bobo wear better boxers, if no be so, di sisi for jus bite im kini comot patapata. 

Di bobo sef hold di sisi for neck. Na so e jus dey press di sisi neck like orange sote di sisi come do eye like frog.

Na im one mama for di crowd ask di sisi wetin dey bobo do am. Come hear as dis sisi come dey do mouth tatatata like typewriter. E say make di mama no mind dis useless bobo wey no one behave like man. 

E say di bobo camp am for hotel TDB for VAL day. E say di bobo no let am sleep for night, say na so so nack e jus dey nack am sote im kini come dey do over heat for morning. E say now e don miss im period.

Di mama ask di bobo wetin happen, na im di bobo say make nobody mind di gbana sisi, weda e no pay for di service e render to am dat night. E say e pay di sisi better money. 

Di bobo come swear say, im been wan use rubber to do di ting o, but na di sisi tell am say e like am bie bie to bie bie, body to body. E say weda na im fault be dat. 

And e come tell di mama make e ask di sisi to swear weda na only im nack before, during and after VAL, after all VAL sef never reach one month, so how come belle come?

Na so di sisi give di bobo one dirty slap for face pppuuaaarrrhhh! Di bobo shout Yeahhhhh! E carry di sisi up, nack am for ground for dat Mile 12 road. Di sisi two legs jus open patapata. Na dat time di hole crowd come see say di sisi no wear dross sef. No bra, no dross. Tori Olorun!

Instead make di crowd stop di fight, everybody come bring out dia phone take photo and video di free show. Na wa o!

Na so I put my guonguoro for gear one, march trottle, and begin go my way make I no come look somtin wey go begin tempt di son of man.

Make we jam again on Tuesday.

Tank you

Tank you very much

And tank you very, very much indeed.


Source: News Express

Readers Comments

0 comment(s)

No comments yet. Be the first to post comment.


You may also like...