Trailer crush man wey police pipul dey poshu for Benin

Posted by News Express | 13 February 2022 | 591 times

Gmail icon


By NELSON DAFE, Benin City

One bad tori wey reach News Express ear be say police pipul wey dey stay roadblock don make one man run go meet die for Sapele road area for Benin City, Edo Stet. Di mata hapun on Friday evening, 11/02/2022.

The man so, wey News Express never know e name, dey on top bike with em girlfriend wen police wey police begin run follow dem.

Pipul wey dey di area tell News Express say di police pipu too dey wahala young men. Dem say wey dem go stop boys for roadblock, dem go dey use force collect money from dem.

Dem still tok say di police pipu go dey chek inside di boy dem phone and if dem see wetin dem no undastand dem go say dem be yahoo boys and na so dem go come begin ask dem to give dem money or dem go hold dem so tey di boys go taya.

If drm no see anytin for dia phone, dem say di police pipu go say dem be ritualist or cultist.

Wen di police pipul just notice say di bike wen carri di man and em girlfriend pass dem, dey begin shout say make dem stop. But di tin be say many bike and moto dem no dey gree stop for di police pipul dem becose dem dey fear say police go take money for dia hand. So na so dis bike man begin run, di police pipul enter motor begin pursue am. Before pipul know wetin dey hapun di bike just run unda one trailer wey dey come from di oda side. “Gbam!” Di trailer just crush di man, e head burst scata for ground.

Em girlfriend and di bike man wound well well and pipul no know weda dem go survive.

Di police pipul wey dey pursue dem just quick revise motor begin pick race.

On Saturday morning wen News Express visit the roadbloack where police dey stay for Sapele road bypass, no police man dey dia.

Many people wey dey.pass dia say di police on don too much and dem for show dem pepper if to say dem see any one for dat side.

Source: News Express

Readers Comments

0 comment(s)

No comments yet. Be the first to post comment.

You may also like...