Southern and Middle Belt leaders don vex: Say ‘Make we talk or wahala go burst for Naija’

Posted by News Express | 18 March 2021 | 697 times

Gmail icon


 

Top Naija leaders don’t say dem see plenti holes for di Naija constitution bicos ee favour di North while other parts dey sufer.

Bicos of dis k-leg, di leaders want new talk or wahala fit gas.

Top leaders like former Chief of General Staff, Rtd Commodore Ebitu Ukiwe, former Plateau State Gafernor Jonah Jang, former Senator Banji Akintoye, former President General of Ohaeneze Ndi Igbo, Chief Nnia Nwodo, and Professor of Religion, Yusuf Turaki, dey among di 127 top leaders wen rison deklarate say national talk talk on Naija condition dey very important.

Dem talk after dier foto to foto meeting for Lagos say naija no go fit komot from present katakate unless dem change di constitution or law book.

To show say dem serious dem waya dier letter message to United Nations Sekurity Council, European Union, United States of America and British Gofernment. Dem halla am loud say Naija need total freedom hence dem need to re arrange di law book plus di come together between North and South of 1914. Dem say dem wan dis national talk talk within 90 days.

Akordin to di leaders wen meet on March 16, 2021, na dis talk go cure oppression, stand for one place and poverty wen yapa now.

Di meeting for under umbrella of Nigeria Indigenous Nationalities Alliance for self determination holdam strong say 1999 Naija Construction na wayo or jibiti to favour North while South and Middle Belt dey hear weeen.




Source: News Express

Readers Comments

0 comment(s)

No comments yet. Be the first to post comment.


You may also like...