Fani-Kayode and Sunday Igboho don bikom friends

Posted by News Express | 22 February 2021 | 302 times

Gmail icon

•FFK and Igboho

 

Popular Yoruba freedom fighter, Chief Sunday Adeyemo a.k.a Sunday Igboho, and bifor bifor Aviation Minister, Chief Femi Fani Kayode a.k.a FFK, don turn big friends.

Did padi padi clear well on Thursday, February 18, 2021 when FFK visit Igboho for eem house inside Ibadan, Oyo State.

Fani-Kayode yan say eem support Igboho call for peace to dry South West by driving away trouble makers and also want approval of gofernment for Naija piple to kari AK 47 guns and oda weapons to bring peace.

Eem say di best way to get peace na for gofernment to fight for defense of eem piple or permit carriage of guns and oda weapons by everibodi. To eem, such go bring peace to South West

FFK also yan sea recent alarm by Bauchi State gofernor Bala Usman for permission to waka waka nama piple or herdsmen to karry AK 47 make some sense. But eem say as herdsmen need AK 47 to protect dier cows, na so farmers and oda piple for South West need AK 47 to protect dier farms and lives against bad herdsmen and oda criminals.

Hearam: “Now I totally dey behind calls for AK 47 by all, afteall na so for America. Nor be only South West insecurity dey. Gofernment need to stand gidigba to provide security; that’s why we dey pay dem.”

FFK call Igboho true freedom fighter against bad or criminal herdsmen. Eem hail Igboho for wanting only bad piple flushed out. Igboho self smile and clap for di plenty praise and support from new padiman FFK.




Source: News Express

Readers Comments

0 comment(s)

No comments yet. Be the first to post comment.


You may also like...