Oyibo come and helep us, herdsmen wan finish us — Afenifere

Posted by News Express | 13 February 2021 | 466 times

Gmail icon


Ogbonge Yoruba jambodi Afenifere don cry out to Oyibos and oda international community to come quick quick to separate fight between herdsmen malu piple and farmers plus oda innocent piple.

Na Afenifere National Publicly Secretary, Yinka Odumakin, send di Save Our Soul (SOS) message as eem speak for television interview.

Odumakin wen dey react to warning of Professor Wole Soyinka say herdsmen wahala fit cause civil war. Eem say na true Soyinka talk, and nobi band of war.

Akordin to Odumakin, the message na for President Muhammadu Buhari to talk serious talk against wahala of Fulani herdsmen.

Eem say if Buhari nor yan well, civil war fit true true come.

As eem put am, “Dis kind close mouth wen thins dey go bad nor good.

“Make presidency stand gidigba and begin to show interest for Naija to comot from dis jaga jaga wi dey.

Odumakin akusate presidency say dier work na to defend herdsmen once dem kpai piple. Eem also yab North leaders for talking only wen water don pass garri, after kpaiings.

Hearam: “We for South West dey maintain peace hence we calm.

“Now di wahala don too much. Di first person to react to my yans go be Nasir El-Rufai. Eeem kro kro defend plenty kpaiings for Southern Kaduna.

“We not hear anything pass sorry about killings for South West. We not get gofernment wen de gofern. Instead of defend Naija piple right, na dier spokesmen work to defend herdsmen and presidency yawa after yawa.

Source: News Express

Readers Comments

0 comment(s)

No comments yet. Be the first to post comment.

You may also like...