Olopa don turn robbers for Lagos Airport Road

Posted by News Express | 6 February 2021 | 465 times

Gmail icon


 

Piple wey get hotels for Murtala Muhammad International Airport Road Lagos don put hand for head and open mouth wide with surprise as bad olopa inside Makinde Ekelebe or Police Station Mafuluku Oshodi Local Gofernment Area dey bring shame to Naija through by force obtaining of money from motorists, plus including obodo oyibo piple.

Talk Talk person of join bodi Lagos Airport Road hotel owners, Seyi Adigun, open mouth to yan say dii bad egg officers dey always hang for corner of the bridge wen link Oshodi and airport road for stop and search of motor users wey dey go airport road.

Adigun use de mata of February 2, 2021 give example of bad bad conducts of de olopa or ekelebe for de area.

Adigun say dem use by force take N400,000 from two brothers wen dier mama just kpeme for London.

He yan say dem force di mourning brothers to Makinde Police Station after olopa first take dier phones and see N2 million for dier bank akount.

Adigun say dem take de N400,000 through POS wen dey opposite Makinde Police Station.

He still yan say di POS madam dey work hand in hand with di bad olopas as na account number wey she supply naim she transfer di money enter.

Akordin to Adigun, wen di bad eggs don check boot and documents of motors with no wahala, dem go ask motor users to drop dier cell phones. Adigun say such karakter and more dey bring shame to Naija.

Adigun still reveal how another set of ekelebe or olopa use by force take $2,000 from one Oyibo for di first time eem step into Naija. De hotel talk talk man and oda stakeholders say dem want beta image for Naija through ogbonge olopa.


Source: News Express

Readers Comments

0 comment(s)

No comments yet. Be the first to post comment.


You may also like...