Posted by News Express | 4 February 2021 | 595 times
Di Federal Gofernment of Naija don carry di klozin date for marriage of National Identification Number (NIM) and SIM to April 6, 2021, dat is 8 weeks jara.
Dis konfirnmate na from Director of Public Affairs, Naija Komunications Komision, Dr Ikechukwu Adinde.
For di statement of Tuesday, February 2, Adinde say authorisation of di jara na from Minister of Komunication and Digital Ekonomy, Isa Pantami, after mitin of Ministerial Task Force on NIM/SIM Registration. Pantami say di eight weeks jara na to allow Nigerians and ogbonge visitors enough time to register.
Di minister konfirmate say many piple don register as dem want more and more to do so. And dat na why dem don open 1,060 registration centres, and more go open for different parts of Naija. Pantami yan like dis: “Dis follow plan of President Muhammadu Buhari to make Naija safe and also make dis registration mata dey easy like bread and butter.”
Oga Patami advise Naija piple and foreigners to use dis carry forward of klosin date to register and no dulling.
Minister Pantami still yan say President Buhari dey happy with di progress so far and also troway salute to everyone wey dey concern.
Di oga patapata of different komunication kompanies troway salute to minister for good ruling and mind to make Naija bam bam.
No comments yet. Be the first to post comment.