Posted by News Express | 29 January 2021 | 727 times
Dem say wonderment no go eva end as kourt for Adamawa State don oda suspected kpians or witches to make three years old girl wen dem make sick to well again without waste of time.
Di Magistrate of kriminal kourt 1, Umar Gangs, draw ear and tok say di 7 kpians wen dem arrest must make di sik sik girl well again under 24 hours.
Akordin to tori wen reach us, dis mata koncern one 60-year-old woman, Halima Jonto of Domne town for Song LGA of Adamawa State with 5 children of between 4 and 6 years
Di jist bi say dis piple use kpians put bad sikness for di small girl bodi.
Wen dem kom dey here di mata, witch malee Jonto say shi and two oda kpians don kpai 7 piple for 7 years wen she don join di night fly fly group for Dumne Town.
Dem gree say na dem kpians di small girl with bad sikness while anoda one dem kall Dudu don tule since kasala burst. Dem still say dem dey akusate demselves and di girl family members wen actually na dem do di kpiansing.
Dem still konfess say only di Dudu wen dey on di run so naim get di pawa to heal di girl again.
Magistrate Gangs don provoke as eem look into di mata on January 25, 2021 and deklarate say dem must arrest di run away Dudu with no waste of time.
Eem yan say dem go holld the 6 piple responsible if kondition of di girl kontinue to bad
Di magistrate lament as small children shook hands for kpians mata.
Eem konklud say ee pain am as di five children too small enter remand home for karakter repair.
No comments yet. Be the first to post comment.