Posted by News Express | 16 January 2021 | 1,213 times
Di Nigeria Communications Commission (NCC) don deklarate say dem no go ever extend klozin date for marriage of national identification numbers with SIM cards or phone numbers of piple.
Dem say dem de wait for Federal Gofernment orda before dem fit talk much on di mata.
Dem say until new yanning kom from Federal Gofernment, na di an February 9 final date dem go follow. Dem say no mata di noise from some area for kari forward of closing date, gofenment date remain kampe.
All dis noise kom as plenti piple dey line up to marry dier NIN with dier phone or SIM number so tay di Director of di komision publik mata, Ikechukwu Adinde, tell tori piple for Abuja say no new announcement and no kari forward orda on NIN registration. Eem say dem go nak agogo for public once new mata shelle with gofernment stamp.
Eeh not end there bikos Adinde gree say plenti pressure dey on gofernment for kari forward as koronavirus wahala still dey yagha yagha.
Eem say na federal hold di yam and knife for extension mata, and nobi di jambodi.
Una fit remember say FG don first announce December 30, 2020 as final day bifor dem kom kari de deadline to February 9, 2021.
No comments yet. Be the first to post comment.