Kort hamar fall for man wen yab Gofernor for Facebook

Posted by News Express | 1 January 2021 | 458 times

Gmail icon


 

Yawa don land for head of one man wey yab Jigawa Stet Gofernor, Muhamadu Budaru Abubakar, for Facebook and di be yawa kom from di magistrate kort for Dutse, kapital of Jigawa Stet.

For yanning opata, Saabiru Ibrahim Chamo go spend six months for jail, akordin to di kort ova bad yannings against Gofernor Abubakar.

Dem first arrest Chamo on Ekeresimesi watch night day bifor dem dragam to kort where eem nor fit defend eem karri yan against Gofernor Abubakar.

Di Ekelebe or olopa prodikutor todi Kurt say Chamo yan dust by vomiting say di to guvnor use jibiti and ogboju kolect plenti money from APC kandidates be with promise to give dem parti tikets for election mata.

Di Facebook lie lie man kondey beg as dem sentence am to six months jail, or fine of 20k plus 20 bulalas.

For June 2017, one Malam Zakari Kafin Hausa naim dem first gbab for social media opata yanning. Dem detain am many days as eem nor get pruf like Chamo.

Di publik talk talk officer for Jigawa Ministry of Justice, Mrs Zainab Baba Santali, say na bad tin Chamo and odas de do yanning lie on Facebook and social media.

Apart from her and gofernment, many good piple and jambodies don warn and draw ears ova tatafo and jagajaga yannings for Facebook.


Source: News Express

Readers Comments

0 comment(s)

No comments yet. Be the first to post comment.


You may also like...