Posted by News Express | 27 December 2020 | 424 times
Top top Igbo Jambodi, Ohanaeze Ndigbo don para loud for di recent promote of Ekelebe or Naija Polis as dem promote 37 officers to rank of Komisiona of Polis. Ohanaeze Ndigbo say tufia kwa as dem want make dem take anoda look for di wuruwuru and oppreshion of just one police komissiona.
For public statement wey Special Adviser Media, Chief Emeka Atamah, sign for back of Presido Jenaral Ohanaeze Ndigbo, Chief John Nnia Nwodo, di jambodi say wuruwuru of one Ekelebe police komisiona out of 37 too bad pata pata. To dem di wayo and Kno me I Kno you for promote nor hold water at all at all.
Dem wonda why South East go get just one Ekelebe komisiona katigori.
Di statement of watch night day, December 24, say: “North West get 12 komisionas, North East 8, South West 7, South South 5, North Central 4 and South East just I Komisiona of Polis.”
Ohanaeze Ndigbo kom halla say: “Wi on again see di krokro oppression and wuruwuru for polis promotion mata. Even komisiona for South East na from di North. Igbo Ofica no dey dey for top position. As eeh kler rich, dem nor still korect di wuruwuru dis time.
“Dem still kontinue to remove Ndigbo pawa and numba for Ekelebe or Olopa mata. Wi don vex for di one slot dem give to weak us. Wi kondem and reject dis kind pour of sand on our eyes and shooking of fingers on our mouths.”
No comments yet. Be the first to post comment.