Fidelity bank card banner Camano banner

Sikiratu tell me say, ‘If you COZA me, I Busola you’

By News Express on 02/07/2019

Views: 926


Di kind word wey we dey hear now, na wa o. Since last week, all di passenger dem wey I dey carry for my guonguoro na so so coza dem dey talk about.

Before, I no hear di ting well. I tink say na tusa dem mean.

Dat’s why wen I ask Emeka, our union member, wetin be all dis tusa tusa wey everybody dey talk about, Emeka laugh me tire.

I ask am why e dey laugh me, e tell me say di ting wey dem dey talk no be tusa. E say tusa for im language mean drop, like water drop for ground.

Emeka come tell me say di one people dey talk now na coza.

But up till today, Emeka no gree tell me wetin coza mean. Di bobo dey even vex anytime I talk about tusa, sorry coza.

Na so yesterday, as I just go drop passenger for Oyingbo come back say make I rest small for garage, na im Sikiratu enter.

If you see wetin dis buka girl wear, hmmm, you must to swallow saliva. I swear!

Una kukuma sabi say Sikiratu full – front and back. Di paw paw wey e carry for chest na full moon. And na so di ting just dey stand like standard bank.

Im boys quarters nko? Dat one na helele. As e just enter garage, na so e take style turn im back. I sabi well well say e do am korokoro make I see wetin e carry for back.

And true true, Sikiratu sabi package body no be small. If no be say I know well well say e no go school, I for believe say Sikiratu been study packaging science.

Any time Sikiratu don package front and back finish, den come appear for our garage like dis, na so all our union member dia eye go just dey move cha-cha-cha like video camera.

Dat yesterday na so Sikiratu package come see me for garage. I call am di lovi lovi name wey I give am. I say, “Welcome my Siki Babe.” 

Na im Sikiratu smile and say, “Oga MAT my darling, how you dey?”

I tell am say I dey fine. I come ask am say dis one wey im just appear so,  I hope I dey safe o.

Sikiratu say, “Noting do you my darling, sebi na you be Oga Man About Town nah, a.k.a Oga MAT.”

Na true say dis girl sabi whine me, e dey always make my head swell up. Na im make my union member dem dey talk say if Sikiratu no kill Oga MAT, na Oga MAT go kill Sikiratu. I know say dat one na jealosy talk.

As Siki Babe just turn im back for me, everyting for my body just stand paparapa. I no know wen my body begin come dey shake like Shakespeare.

Na so I come hold Sikiratu from back. If you see as dis girl jump comot, you go tink say weda e march snake.

Sikiratu come dey shout: “See dis agbaya o! Why you want touch my kini? Na so you like me, you come allow dat your useless ewa agoyin girl fight me for una garage here, sote olopa carry us go station and you do like say noting concern you? Shame!

“Now you wan come touch my kini, shame! Look make I tell you, dis no be dat Sikiratu you sabi yesterday. Now, if you coza me, I busola you. I swear!”

See me, see troublem o. Na so I tanda for dia, open mouth dey look Sikiratu.

(To be continued)

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 02/07/2019 1:14:41 PM

 

 

CLASSIFIED ADS

 

You may also like...
Star actress Ronke Oshodi battles mosquitoes over facial...

Oritsefemi pulls out of ‘Fvck You’ challenge… Apologises...

Celebrities’ old pictures evoke laughter in “10 Years...

Duncan Mighty returns from overseas trip, goes for...

Korode Bello receives spiritual powers from Pastor Tunde...

Journalist demands N600 million from 2Face Idibia’s manager...

If dis na luck, I jump and pass...

Nigeria’s top entertainers: Other things they do to...

Peter P Square’s topmost secret

Crown for boobs star, Uju Edochie

10 quick things to know about Burna Boy...

Buhari, Osinbajo, Oshiomhole sing for Nigerians at Christmas...

 

CBN milk production

CBN banner advert

UBA Wise Savers Promo

 

Maggie's Blog
Latest Gist Rita Dominic falls in love with BBNaija housemate Popular tele-evangelist hits Terry G, Timaya, Davido, Wizkid, Burna Boy, others What “Runs” does Bobrisky do in Abuja? Helep! Passenger wan rape me inside my guonguoro Who wants Wizkid dead? Juliet Ibrahim, Iceberge Slim back in love And Timaya turns 39 Nigeria’s TOP 10 Songs My people say make I no change work Bad news for Tonto Dikeh BBNaija: 9 housemates on their way out this week Seven governors to mount Red Carpet at 2019 Nigeria Media Nite Out Awards

 


Most Read Nigerian stars who cannot do without smoking (83,698 views) Husband dashes Mercy Johnson’s hopes, turns her to sales girl ahead of birthday (31,138 views) Veteran actor Kanayo O. Kanayo’s shocking discovery at Imo Government House (23,932 views) Anita Joseph breaks born again rule (21,273 views) Popular female gospel artiste whose love for cigarettes and spirits is unequalled (16,785 views) See what Cossy Orjiakor wore to meet Sanwo-Olu (16,127 views) Wife slaps Governor Obiano over mistress? (16,085 views) Nigerian music stars who may never shine again (14,536 views) Cossy Orjiakor on wheelchair after attack by ‘evil’ pussycat (11,271 views) Expensive joke that may put Basketmouth in trouble (10,895 views) Cossy Orjiakor applies her magic wand again (10,670 views) Nigeria’s TOP 10 SONGS this week (10,564 views)

 

Africa Media Agency and Al Jazeera