NewsExpress banner Firstbank Verve banner Fidelity bank card banner Umm Sulaim's Thoughts Camano banner

Abeg, na wetin be climate change?

By News Express on 22/11/2019

Gmail icon

Views: 540


 True, true Lagos na wa. Anybody wey fit survive for Lagos, go fit survive anywia for dis world. I swear!

Di same ting for dis our taxi driver work. If any Lagos taxi driver go abroad, e must to win award for dia. No be lie, becos di orisirisi tings wey we dey see for Lagos road every day, e no dey any order place.

Na for Lagos road you go see di good, di bad, and di… (Abeg helep me complete am).

Na so I siddon for garage di order day dey tink how I go take make my family happy for dis odun Christmas wey don land finish so.

Dem don close border and dem talk say na so e go be till Armageddon. No rice, no chicken, no turkey, no ororo. Tori Olorun!

As my mind dey tink all dis tings, na im one bobo like dat enter our garage wey dey near Ikeja under bridge. Di bobo waka come with one oyibo sisi.

Na so dem come meet me. Di way di bobo take talk, I dey sure say na Igbo man wey don live for America tire, sote e bring oyibo woman come visit Naija.

Di bobo say make I carry am and im wife for drop go VGC. I come talk am for my mind say VGC for dis period wey Go-slow full everywia for Lagos?

Well, I tell am my price, e gree. Di bobo even pay me in advance. I look di money wey e give me. I look am again ti-ti-ti-ti, I no sabi.

I ask am which kind money e give me. Di bobo say “Fuck you. That’s a ten dollar bill, mehn!”

Me, dollar? Olorun oba o! E come be like say I dey dream. As I open di back door make di two both of dem enter, I use style look di dollar well well. Yes nah. How I no go look di ting wey I no see before for my life? I put di dollar for inside one corner of my shokoto trouser make dirty no touch am rarara.

I open di ignition of my guonguoro, start di engine, put am for gear one. We don dey go be dat.

Since wen we comot for garage, na so so “Yeah men,” Fuck you,”  “Gaddamet” I dey hear for dis bobo mouth as e discus with im wife. Me I no kukuma understand anyting wey dem dey discus, becos di kind oyibo wey dem dey talk, e no resemble our pidgin wey we dey pieces any how  for Naija.

As we jus pass Allen Roundabout small, wey we go begin dey go Aluasa, den to 7-Up, na so dis bobo begin hala. E say “Fuck you mehn, can’t you put on di A/C? You wanna kill us in this gaddam country?”

I tell am say A/C ke. I say my guonguoro no carry A/C - o.

Di bobo say “Fuck you. In this climate change? Can’t you feel the heat. I mean this kind of bullshit can’t happen in the US!”

Di wife just dey try cool am down but di bobo jus dey hala for my head.

Di next ting e say, “Gaddamet! Put us down here mehn. Fuck you!”

I tell am say na Lagos be dis o, say dem no dey drop passenger anyhow for road like dat if no be bus stop.

Na so dis bobo open im trouser pocket, bring out one short gun like dat and point for my head o.

(To be continued)

Make we jam again on Tuesday.

Tank you.

Tank you very much.

And tank you very, very much indeed.

 

Source News Express

Posted 22/11/2019 11:32:41 AM

 

 

CLASSIFIED ADS

 

You may also like...
I don hammer! (2)

Celebrity actress Gloria Anozie’s solution to rape scourge...

Hang out with one of Nigeria’s richest female...

Disquiet as Nigerian Society of Engineers holds annual...

Dino Melaye is born again!

Yeye Orange

Meet the BOYS who have taken over Nigeria’s...

Ali Baba comes up with his own Next...

Python Dance ko, frog jump ni (2)

10 quick things to know about Burna Boy...

O, my Sallah meat!

Countdown to the return of the most dangerous...

 

CBN milk production

CBN banner advert

UBA Wise Savers Promo

 

Maggie's Blog
Latest Gist Lamentation of Nollywood porn star who has slept with over 100 men Divorced Tonto Dike wants to be pregnant again SPECIAL FEATURE: What really is Naira Marley’s plan? Still on dat matter: If you Sowore me, I DSS you! Are you a wife material? Don Jazzy needs you NOW! Revealed! Why Gov Emmanuel cannot sack Ini Edo as his personal aide Goodnight, the Ozigizaga King Nigeria’s TOP 10 Songs Dat Sikiratu Xmas Budget 2019 . . . Omotola demands to be addressed properly henceforth Eniola Badmus begs angry fans for eyeing other women’s lovers SPECIAL FEATURE: Laughter, tears and goosebumps, By Itty Okim

 


Most Read Nigerian stars who cannot do without smoking (87,644 views) At last, Davido reacts to Chioma’s shirtless ex-boyfriend photo (57,789 views) Husband dashes Mercy Johnson’s hopes, turns her to sales girl ahead of birthday (31,843 views) Veteran actor Kanayo O. Kanayo’s shocking discovery at Imo Government House (24,559 views) Anita Joseph breaks born again rule (22,589 views) See what Cossy Orjiakor wore to meet Sanwo-Olu (17,492 views) Popular female gospel artiste whose love for cigarettes and spirits is unequalled (17,423 views) Wife slaps Governor Obiano over mistress? (17,384 views) Nigerian music stars who may never shine again (15,178 views) Jim Iyke declared wanted (13,811 views) Cossy Orjiakor on wheelchair after attack by ‘evil’ pussycat (11,979 views) Expensive joke that may put Basketmouth in trouble (11,527 views)

 

Africa Media Agency and Al Jazeera