NewsExpress banner First Bank Fashion Souk Fidelity bank card banner Umm Sulaim's Thoughts Camano banner

Alaye Boys don scatter area

By News Express on 19/11/2019

Gmail icon

Views: 577

Anybody wey dey do taxi driver work for Lagos, if Eledumare no tanda for im back gidigba, na im be say im own get as e be.

Na from experience I take talk am so. Di kind orisirisi tings wey di son of man dey take im mouth see for Lagos road, im eye no fit talk am. If I lie, make I tanda naked baf for bafroom.

Di kind alaye boy dem wey full now for Lagos get as e be.

See like yesterday wey I go drop passenger for Isale Eko, den take IBB Bridge begin dey come back to mainland.

As I land for Oworonshoki bus stop, na im three bobo like dat say make I carry dem for charter go Bariga. Dem say wen we reach Bariga, I go wait for dem till dem do dia business finish, but dat e no go pass 10 minute. I tell dem my price, dem gree and jump inside.

Di one wey siddon with me for front carry one small bag like dat. And if you see di kind bie bie wey dis small boy carry, e long pass Osama bin Laden own. And na Osama dem call am.

Di order two siddon for back seat but dia own bie bie no long reach di one for front.

As we dey go, di one wey siddon for owner seat for back say, “Osama!” Osama answer “Yes Captain.”

“Check how many we get inside di bag?”

Osama open di bag, look inside ti-ti-ti-ti, den answer “Na three, Captain.”

Captain ask di second bobo wey siddon with am for back seat, “Stone, na how many you book?”

“I book for three. I pay am for two, I tell oga dealer say we go balance am after dis operation for Bariga,” Stone answer.

Captain… Stone… Osama… Oga dealer… three… operation for Bariga…?

I no need babalawo to come tell me di kind passenger I carry for my guonguoro.

As we jus enter Bariga, Captain tell me make I stop and park. I match break fiiaamm.

Osama open di bag quick quick, bring out three short gun, throw one to Captain, one to Stone and one for imsef.

Captain tell Osama make e siddon inside my guonguoro dey monitor movement while im (Captain) and Stone advance.

Captain and Stone cock dia gun and disappear for inside one street, di next ting I hear na Poarrhh! Poarrhh!!  Poarrhh!!!  Dem don dey fire gun be dat. Tori Olorun!

Osama tell me make I open ignition, on di engine and standby, so dat wen Captain and Osama finish di operation, dem go rush come and jump inside den we  took off.

See as my body com dey shake like Shakespear, sote I no sabi di time piss drop for my shokoto trouser. So I don become driver for dis Bariga Alaye Boys? If olopa come jam me with dem nko, wetin I go talk? Olorun Oba o!

Bullet scatter area like say we dey for war front. And na so everybody for road jus dey run kati kati.

Di next ting be say, Stone carry Captain for back run dey come, e call Osama make e rush come join am make dem carry Captain put for inside my guonguoro make we took off, say di order cult boys don shoot Captain for belle.

Na im Osama rush go meet Stone, dem carry Captain for head. Come see Captain blood jus dey scatter everywia.

As di two both of dem dey carry Captain rush dey come, na im I do sign of di cross, put my guonguoro engine for gear one. I don waka be dat o. No be me and una.

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 19/11/2019 11:32:41 AM





You may also like...

S-I-K-I-R-A-T-U ! (2)

Nigeria’s TOP 10 Songs

Jimoh wan become Honourable for Abuja

Bose give me TKO!

Nollywood diva Ngozi Nwosu flaunts skin, boobs and...

Barao banza!

SPECIAL FEATURE: Birth of a new sound called...

BBNaija: The secret behind Mercy’s win

KCee turns prayer warrior

My failed marriage has left me scared and...

Dem say I must marry second wife (3)...


CBN milk production

CBN banner advert

UBA Wise Savers Promo


Maggie's Blog
Latest Gist Are you a wife material? Don Jazzy needs you NOW! Revealed! Why Gov Emmanuel cannot sack Ini Edo as his personal aide Goodnight, the Ozigizaga King Nigeria’s TOP 10 Songs Dat Sikiratu Xmas Budget 2019 . . . Omotola demands to be addressed properly henceforth Eniola Badmus begs angry fans for eyeing other women’s lovers SPECIAL FEATURE: Laughter, tears and goosebumps, By Itty Okim Sikiratu don submit Xmas Budget 2019 Who is after Cossy Orjiakor? Meet the BOYS who have taken over Nigeria’s music industry Nigeria’s TOP 10 Songs


Most Read Nigerian stars who cannot do without smoking (87,445 views) At last, Davido reacts to Chioma’s shirtless ex-boyfriend photo (57,755 views) Husband dashes Mercy Johnson’s hopes, turns her to sales girl ahead of birthday (31,815 views) Veteran actor Kanayo O. Kanayo’s shocking discovery at Imo Government House (24,533 views) Anita Joseph breaks born again rule (22,545 views) See what Cossy Orjiakor wore to meet Sanwo-Olu (17,458 views) Popular female gospel artiste whose love for cigarettes and spirits is unequalled (17,391 views) Wife slaps Governor Obiano over mistress? (17,349 views) Nigerian music stars who may never shine again (15,148 views) Jim Iyke declared wanted (13,751 views) Cossy Orjiakor on wheelchair after attack by ‘evil’ pussycat (11,947 views) Expensive joke that may put Basketmouth in trouble (11,499 views)


Africa Media Agency and Al Jazeera