NewsExpress banner Firstbank Verve banner Fidelity bank card banner Umm Sulaim's Thoughts Camano banner

Python Dance ko, frog jump ni (2)

By News Express on 15/11/2019

Gmail icon

Views: 564

Before 7 o’clock am in di morning we don reach Ijebu Ode. Di bobo sister Atim and im junior broda Okon, come dey hail me. Dem say true, true na me be di best Lagos taxi driver.

Me sef surprise as my guonguoro take run like say I jus buy am chasis. And e don pass four month wey I service am o.

Na Okon siddon with im sick papa for back seat, Atim dey for front with me. And as we dey go for road, na so dia senior broda dey call dem to ask  how we dey go.

Small time we don reach Ore, den Okada Town. Na wen we reach Benin we stop to eat, and make my engine cool small. Na for dia I say make I jus manage one bottle of My Usual make my eye clear well well. Okon come pay for di bottle. E say e like as I dey drive, no be small. I tal am for my mind say na today?

I fill up my guonguoro tank, and we come dey continue with our journey.

We pass Asaba, climb River Niger Bridge. As we jus enter Onitsha, wahala don start be dat,

If you see di kind soja and order uniform people dem wey full for dat expressway, you go tink say we  dey for war front.

Every kilometer na check point. If e no be soja, na olopa or custom or maja maja or immigration or road safety. Warder dem sef get dia own check point.

From Onitsha to Owerri, to Umuahia before we enter Akwa Ibom, we pass like 200 check point. And every check point na toll gate. You must park, drop N100 before dem allow you go. If you wan do over sabi housewife, my broda, na dia you go sleep.

By di time I go drop Okon, Atim and dia papa for village, my pocket don almost empty.

Okon try tire make I follow dem sleep inside dia house for village, I no gree. Na for inside my guonguoro I sleep. Before morning break sef, I don begin come back Lagos. Okon dem no wake up see me.

I carry three passenger dem like dat for Uyo wey dey come Lagos.

I see say dat Sunday morning, di toll gate for road don increase. And as di toll gate increase, your pocket dey uncrease. Olorun Oba o!

Wen I ask weda na only to obtain be dis uniform people work for road, one of my passenger come talk say dem dey do Python Dance.

I come ask am weda di python dance na to turn di expressway to toll gate for dia pocket. My passenger talk say im no know o, say e no wan talk di one wey dem go say na hate speech and come kill am by hanging.

Na im I come say shiooor! So na dis one be di python dance? No be only python dance, na frog jump, a.k.a kalokalo.

I manage come land for Lagos dat evening. Wen I check my pocket, na only 50 naira remain. Tori Olorun!

Amu robber ni gbogbo won!

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 15/11/2019 7:24:32 PM





You may also like...
I wan follow do cinema

KCee turns prayer warrior

Me sef wan take oath of office

Helep! My wife Bose and Sikiratu dey for...

SPECIAL FEATURE: The Afrobeat you never knew

2face Idibia’s career to end this year?

Na orisirisi sisi dem full for Lagos road...

Popular female gospel artiste whose love for cigarettes...

Anita Joseph abuses fan over request for Christmas...

Nigeria’s TOP 10 Songs

Genevieve Nnaji goes nude, sets internet on fire...

I stand with Buhari, I stand with Atiku...


CBN milk production

CBN banner advert

UBA Wise Savers Promo


Maggie's Blog
Latest Gist Lamentation of Nollywood porn star who has slept with over 100 men Divorced Tonto Dike wants to be pregnant again SPECIAL FEATURE: What really is Naira Marley’s plan? Still on dat matter: If you Sowore me, I DSS you! Are you a wife material? Don Jazzy needs you NOW! Revealed! Why Gov Emmanuel cannot sack Ini Edo as his personal aide Goodnight, the Ozigizaga King Nigeria’s TOP 10 Songs Dat Sikiratu Xmas Budget 2019 . . . Omotola demands to be addressed properly henceforth Eniola Badmus begs angry fans for eyeing other women’s lovers SPECIAL FEATURE: Laughter, tears and goosebumps, By Itty Okim


Most Read Nigerian stars who cannot do without smoking (87,598 views) At last, Davido reacts to Chioma’s shirtless ex-boyfriend photo (57,783 views) Husband dashes Mercy Johnson’s hopes, turns her to sales girl ahead of birthday (31,837 views) Veteran actor Kanayo O. Kanayo’s shocking discovery at Imo Government House (24,552 views) Anita Joseph breaks born again rule (22,576 views) See what Cossy Orjiakor wore to meet Sanwo-Olu (17,485 views) Popular female gospel artiste whose love for cigarettes and spirits is unequalled (17,415 views) Wife slaps Governor Obiano over mistress? (17,373 views) Nigerian music stars who may never shine again (15,172 views) Jim Iyke declared wanted (13,797 views) Cossy Orjiakor on wheelchair after attack by ‘evil’ pussycat (11,972 views) Expensive joke that may put Basketmouth in trouble (11,520 views)


Africa Media Agency and Al Jazeera