NLNG Corporate Respect banner First bank FinTech summit Fidelity bank card banner Emerald Energy Institute Camano banner

Soja jam olopa, olopa jam soja. No case!

By News Express on 23/08/2019

Gmail icon

Views: 585

 Wen dem dey talk am tele tele say, “Do me I do you God no vex”, or “Slap me I slap you God no vex”, some people dey laugh.

But di ting be say, e fit no be you go slap di person wey slap you back. Olorun go bring anoder person wey big pass am make e show am pepper.

Na di ting wey dey happen now be dat, and everybody don dey see am korokoro.

Di order day, na so one bobo come our garage wey dey for near ikeja under bridge. E say make I carry am for drop go Victoria Island. I tell am my price, e gree.

I come see say di bobo jus dey look upandan. Im eye jus dey move right, left and center like video camera. As e wan open di guonguoro back door enter, e first look around. As e jump inside, e look around again before e close di door.

Me, I jus do like say I no see wetin e dey do. No be Lagos we dey?

Jimoh  wey go drop passenger for Isale Eko dat morning don already tell all of us for garage say one trailer fall  for Alapere, block di hole road up to IBB Bridge.

Na im make I carry dis my looku looku passenger pass Ikeja roundabout.

As we pass Ikeja General Hospital, to pass Police College, my passenger jus lie down flat for inside my guonguoro. Di bobo no know say I dey see am for mirror. Na so e lie down till we pass di hole of Ikeja GRA enter Idiroko bus stop for Ikorodu Road, before e siddon again.

Wen we reach Fadeyi, to climb dat overhead bridge wey go carry us go Ojuelegba, small Go Slow dey for road. And e come be say di motor wey dey for our left hand side na truck wey olopa full for inside, and all of dem carry gun.

My passenger nearly melt. E come do like say na im di olopa dem dey look for since morning.  Di bobo just carry im face troway for di order side. E do “Eyes Right!” till we pass di olopa dem.

Wen we pass Stadium, enter Alaka, Iponri, Costain  to climb Carter Bridge for Iganmu and land for CMS,  na im di bobo  open di nylon bag wey e hold. E bring out Khaki trouser and shirt, plus including shoe. Di bobo comot di clothe wey e wear enter my guonguoro for our garage for Ikeja.

Before you say “Wadume!” my passenger don turn to soja in full uniform, and  by dat time we don land for dat road wey dem dey take go Bar Beach for Victoria Island.

As we wan pass dat soja barrack wey dem dey call Bonny Camp, na im my passenger say make I branch. Na so all di soja wey mount guard come dey stand attention and salute my passenger.

E say make I stop after we don pass di gate. E comot money for pocket and pay me.

Na dat time e tell me say all soja now dey run for everywia olopa dey since wen Taraba wahala happen. E say dem sabi say olopa dey find any small chance wey dem go take show soja pepper too, na im make e dey wear im uniform only inside barrack.

As I begin go back to our garage, I come talk am for my mind say, sebi olopa dem dey finish bloody civilian everyday, na im soja come finish dem too for Taraba. Why dem dey vex for soja?

Na do me I do you. Slap me I slap you, God no vex.

Even if olopa slap soja back, no troublem. Na di same ten and ten pence. Na dem, dem. Make dia eye kukuma comot for we (bloody civilian) body.

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 23/08/2019 11:03:48 AM





You may also like...
What Tonto Dike does every night

Tacha no gree pay my money for drop...

Meet newbreed Nigerian music acts who currently control...

My Easter jolly jolly with Sikiratu nearly break...

Mercy Johnson and Odi Okojie’s marriage: 8 years...

Yul Edochie reveals magic wand for success

Veteran actor Kanayo O. Kanayo’s shocking discovery at...

SPECIAL FEATURE: Tacha and Naira Marley: Where the...

Meet Nollywood’s most eligible bachelors •What's keeping them...

I was scared of sharing my newly married...

Fans rise against Yemi Alade’s show of bum...

God forbid bad ting!


CBN milk production

CBN banner advert

UBA Wise Savers Promo


Maggie's Blog
Latest Gist I’m tired trying to find love — Cossy Orjiakor laments Weeks after BBNAIJA, Kim Oprah still “Pepper” men Nigeria’s TOP 10 Songs Who send you come? Tell am say I don travel How comedian AY nearly lost his wife to death at a Lagos hospital I was scared of sharing my newly married husband with those housemates on BBNaija — Mike’s wife reveals SPECIAL FEATURE: What really sells in the Nigerian music market? Crocodile cry Regina Daniel’s real age exposed Zainab Balogun reveals her only heart desire Nigeria’s TOP 10 Songs Cold Room school? Over my dead body!


Most Read Nigerian stars who cannot do without smoking (85,789 views) Husband dashes Mercy Johnson’s hopes, turns her to sales girl ahead of birthday (31,543 views) Veteran actor Kanayo O. Kanayo’s shocking discovery at Imo Government House (24,255 views) Anita Joseph breaks born again rule (22,149 views) See what Cossy Orjiakor wore to meet Sanwo-Olu (17,166 views) Popular female gospel artiste whose love for cigarettes and spirits is unequalled (17,097 views) Wife slaps Governor Obiano over mistress? (17,011 views) Nigerian music stars who may never shine again (14,870 views) Cossy Orjiakor on wheelchair after attack by ‘evil’ pussycat (11,650 views) Expensive joke that may put Basketmouth in trouble (11,223 views) Cossy Orjiakor applies her magic wand again (10,992 views) Nigeria’s TOP 10 SONGS this week (10,814 views)


Africa Media Agency and Al Jazeera