NewsExpress banner Firstbank Verve banner Fidelity bank card banner Umm Sulaim's Thoughts Camano banner

O, my Sallah meat!

By News Express on 13/08/2019

Gmail icon

Views: 659


I no go ever forgot dis year sallah. Since wen I run comot for my village, Ogbomosho come Lagos becos of Arike, I never enjoy sallah like dis for Lagos.

I no ever go anybody house go do sallah before becos I dey always see am as long troat.

Na im make, every odun, if I no wan put my guonguoro for road, I go just relax for house with my family.

But yesterday I go gbadun gan.

Idowu our Union Treasurer invite all of us for our garage wey dey for near Ikeja under bridge. E say make we come do dis year sallah with im family. Na im make none of our union member show face for our taxi park yesterday wey be di main di main odun. All of us dey Idowu house for Egbeda.

Before I reach Jimoh house, all our union member dem don show. Dem say na Akpan first arrive, follow by Emeka before orders. Na me appear last.

By dat time, Idowu and im family don go prayer ground come back. As e come, e quick, quick organize Alaye Boys dem make dem kill di ram wey e been go buy for Mile 12 market last week.

Before you close your eye open, dem don kill di ram, pump air full im body, pour am hot water and begin use razor blade scrap di hair comot for im body, butcher am and pass am to sisi dem make dem cook am.

E no reach two hour, sallah food don ready.

Idowu first serve us Our Usual one by one. Idowu sabi wetin every body dey shack. Na so Idowu nack every body four bottle  each. Tori Olorun!

Small time Idowu family serve us food. Come see di big, big meat for inside di food!

Me I eat iyan and efo riro. I chop di poundo sote my belle wan burst.

Na dat yesterday Idowu show us all im wife and im pikin dem.

Idowu marry four wife, and each wife born twins for Idowu. One of di wife sef born twins two times. Dat mean say Idowu na Baba of 10 pikin, dem nearly be di same height  – and all of dem na woman pikin. Olorun Oba o!

I come dey talk am for my mind say which kind magic Idowu dey use wey be say any woman wey e just touch small, na twins e go born. Idowu wey be say im nyansh flat pass foot mat o.

Anyway sha, after we don shack and chop finish, Idowu still give everybody sallah meat for take away.

I reach my house for Abule Egba around 8 o’clock pm in di night.

I park my guonguro, comot my sallah meat  keep on top of my guonguoro, lock di guonguoro door.  I say make I rush go piss for our face-me-I-face-you toilet wey dey for backyard. As I piss finish, I knock di door, na im my first woman pikin Bisi open door for me.

I enter room, I no even remember to comot my shokoto trouser and jumper wey I wear go Idowu house. I jump inside bed. Na dis morning I wake up see say even di shoe wey I wear still dey my leg for on top of bed.

I remember my sallah meat. Nobody for house gree say I bring meat come back for night.

Na im I rush go outside make I go check for inside my guonguoro.  I check inside, check up, check down, check every wia.  No meat. I check under di guonguoro sef, still no meat.  So, na who come carry my sallah meat?

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 13/08/2019 12:18 PM

 

 

CLASSIFIED ADS

 

You may also like...
Me and INEC, who neck dey pain?

At last, Davido reacts to Chioma’s shirtless ex-boyfriend...

Troubled ‘R Kelly may commit suicide’ •Crisis manager...

Wetin dey inside woman pant?

Duncan Mighty returns from overseas trip, goes for...

Omotola demands to be addressed properly henceforth

Meet the BOYS who have taken over Nigeria’s...

My own Xmas don start

Helep! Arike wan scatter my family

Regina Askia’s mother storms US

What celebrities said on Valentine’s Day

Beyonce shuns Davido, unveils outcome of collabo with...

 

CBN milk production

CBN banner advert

UBA Wise Savers Promo

 

Maggie's Blog
Latest Gist Regina Askia’s mother storms US Nigeria’s hottest music stars line up for BAFEST 2019 Court adjourns Naira Marley’s trial for alleged internet fraud Nollywood star Aki turns 42 Nigeria’s TOP 10 Songs I dey consider 404 meat for dis Xmas Lamentation of Nollywood porn star who has slept with over 100 men Divorced Tonto Dike wants to be pregnant again SPECIAL FEATURE: What really is Naira Marley’s plan? Still on dat matter: If you Sowore me, I DSS you! Are you a wife material? Don Jazzy needs you NOW! Revealed! Why Gov Emmanuel cannot sack Ini Edo as his personal aide

 


Most Read Nigerian stars who cannot do without smoking (87,792 views) At last, Davido reacts to Chioma’s shirtless ex-boyfriend photo (57,834 views) Husband dashes Mercy Johnson’s hopes, turns her to sales girl ahead of birthday (31,875 views) Veteran actor Kanayo O. Kanayo’s shocking discovery at Imo Government House (24,579 views) Anita Joseph breaks born again rule (22,660 views) See what Cossy Orjiakor wore to meet Sanwo-Olu (17,513 views) Popular female gospel artiste whose love for cigarettes and spirits is unequalled (17,448 views) Wife slaps Governor Obiano over mistress? (17,424 views) Nigerian music stars who may never shine again (15,197 views) Jim Iyke declared wanted (13,849 views) Cossy Orjiakor on wheelchair after attack by ‘evil’ pussycat (12,004 views) Expensive joke that may put Basketmouth in trouble (11,549 views)

 

Africa Media Agency and Al Jazeera