NLNG Corporate Teamwork banner First bank campus storm Fidelity bank card banner Emerald Energy Institute Camano banner


By News Express on 09/08/2019

Gmail icon

Views: 540

Every day, na im new name dey come out for dis our obodo Naija.

Tele tele na Nnamdi Kanu. After dat na Evans, follow by El-Zakzaky, den Coza. Di next one na  slapping Sinator, and now na Sowore.

Since last week, na Sowore dey for everybody mouth. And di name dey cause wahala, no be small.

Na so two bobo take me for drop on Monday, dem say make I carry dem go  Surulere.

As we dey go , na im di two both of dem  dey talk  about revelation matter. Me, I just dey do like say I no hear dem.  But all my ear dey for wetin dem dey talk.

Di first bobo talk say im like di revolution wey Sowore dey do (Na only God know wetin be revolution). E say dis our contry don dabaru patapata, say im support Sowore well, well. E say na revolution be am, dat’s why im dey go join Sowore for Surulere.

Di second bobo ask am weda na becos of Sowore di first bobo tell am make e follow am go Surulere.

“Segun, you say make I follow you reach Surulere, why you no tell me say na Sowore matter you dey go for?”

“Uche, I sabi say if I tell you say na revolution march I dey go, you no go gree follow me.”

Segun ask Uche why e dey do like say all di ting wey dey happen for dis Naija no concern am. E say if e no concern am now, e go concern im pikin, grand and great great grand pikin dem.

Uche ask weda Segun dey curse am, Segun tell am say no be curse but na true talk.

Uche tell Segun say wetin concern am concern Sowore and im revolution march, say weda no be di same man wey collect plenty money for di same people hand dat time to finish Naija Oga patapata  teletele make dis present oga take over. E say wetin make Sowore come dey fight im ATM now?

As Uche just talk dat one, na im Segun call Uche olori bruku, Uche call Segun anu ohia. Na so  dem just dey curse demsef ti-ti-ti-ti, till we climb Jibowu bridge, cross Ojuelegba and enter Barrack bus stop den begin face Stadium.

Di next ting I hear na ppuuaarrhh! Den double ppuuaarrhh, ppuuaarrhh!!! Fight don shele be dat … for inside my guonguoro. Tori Olorun!

Segun hold Uche for neck, Uche hold Segun for brokos. Na im I match break and clear for roadside, one time. See as dis two bobo wan kill demsef for inside my guonguoro for wetin I no know o.

Tank God say di olopa wey dey stand for under dat stadium bridge dey dia. I take style signal di olopa make e come.

Segun and Uche just dey fight, dem no even see wen di olopa don land with gun. Dat time everywia don full, una kukuma sabi Lagos people dem. Dem just tanda dey count point like refree for di two fighter bobo, instead make dem separate dem.

Na im olopa just release one bullet for air pooorrrhhhh!!! Everybody scatter. Me sef collect my money for Segun hand before I begin find my way and lef dem for olopa hand.

I come talk am for my mind say, see wetin Sowore cause o.

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 09/08/2019 12:20:01 PM





You may also like...

I stand with Buhari, I stand with Atiku...

Husband dashes Mercy Johnson’s hopes, turns her to...

Tonto Dikeh wants new boobs for birthday

Tekno promotes dirty dance with his new song...

Star actor Chinedu Ikedieze (Aki) targeting another love?...

Man kills his mother, makes love to her...

Omotola expresses love for Jerry Rawlings; begs for...

Nigeria’s TOP 10 Songs

Rita Dominic falls in love with BBNaija housemate...

What celebrities said on Valentine’s Day

Omotola's daughter graduates


CBN milk production

CBN banner advert

UBA Wise Savers Promo


Maggie's Blog
Latest Gist Regina Daniel’s real age exposed Zainab Balogun reveals her only heart desire Nigeria’s TOP 10 Songs Cold Room school? Over my dead body! BBNaija: The secret behind Mercy’s win Yemi Alade goes for Grammy SPECIAL FEATURE: Who stands a better chance at bagging the ‘Headies Next Rated’ award? Tacha no gree pay my money for drop Genevieve Nnaji opens up as her film gets nomination for Oscar Timi Dakolo ‘drops’ case against Pastor Fatoyinbo to celebrate wife’s birthday Nigeria’s TOP 10 Songs No Short Time for my guonguoro


Most Read Nigerian stars who cannot do without smoking (85,688 views) Husband dashes Mercy Johnson’s hopes, turns her to sales girl ahead of birthday (31,524 views) Veteran actor Kanayo O. Kanayo’s shocking discovery at Imo Government House (24,238 views) Anita Joseph breaks born again rule (21,978 views) Popular female gospel artiste whose love for cigarettes and spirits is unequalled (17,068 views) See what Cossy Orjiakor wore to meet Sanwo-Olu (17,024 views) Wife slaps Governor Obiano over mistress? (16,974 views) Nigerian music stars who may never shine again (14,848 views) Cossy Orjiakor on wheelchair after attack by ‘evil’ pussycat (11,624 views) Expensive joke that may put Basketmouth in trouble (11,203 views) Cossy Orjiakor applies her magic wand again (10,970 views) Nigeria’s TOP 10 SONGS this week (10,792 views)


Africa Media Agency and Al Jazeera