NLNG Corporate Teamwork banner First bank FinTech summit Fidelity bank card banner Emerald Energy Institute Camano banner

Sikiratu tell me say, If you Coza me I Busola you (2)

By News Express on 05/07/2019

Gmail icon

Views: 1,156

Up till now wey I dey nack una dis tory so, Sikiratu no tell me wetin dis kind talk mean.

I move near am again, to see weda e really serious say make my hand no touch am, Sikiratu shout again say, “Oga MAT I don tell you o. Respect your old age o. Make your hand no touch me o. Sebi I don tell you before say if you Coza me I Busola you. No talk say I no warn you o!”

I no just come understand Sikiratu again. Tori Olorun.

See dis buka girl wey no dey let me rest o. Every day Sikiratu go say Oga MAT take me out make we go enjoy oursef. For Xmas, for Sallah, na di same ting, e no dey ever let me rest. So na today dis yeye girl sabi say I be old man? After e don chop all my money finish?  See me, see wahala.

As Sikiratu warn me finish, e just waka dey go back to im place of work – Madam Shine Buka wey dey near Airport Hotel.

One mind say make I go meet am for dia, anoder mind say make I call am for phone, make e no go embaras me for dia beer parlour.

As I siddon dey tink wetin I go do to Sikiratu, na im Idowu, our union Treasurer drive enter garage.

I come tell Idowu every ting wey happen and wetin Sikiratu talk – “If you coza me...”

As I just mention coza, na im Idowu shout, Oti o!

Idowu come beg me say if na so Sikiratu talk, make I no just go near am lai lai again.

I come talk am for my mind say Idowu wan block me so dat im go take style enter Sikiratu.

I ask Idowu why e tell me make I run for my Siki Babe. Na im Idowu say, if I like mysef, my family and dis my taxi driver work, make I just take wetin im tell me.

E say if no be so, dis my guoguoro I no go drive am again becos Sikiratu go force me step aside and pack my guonguoro.

Me, pack my guonguoro? Olorunmaje!

Since wey I run comot for my village Ogbomoso come Lagos, di only work I don do after I finish my mecho apprentice, na dis my taxi driver work. Anyting wey go make me lef di work, na im be say dat ting no like me at all, at all.

I beg Idowu tire make e tell me wetin di ting wey Sikiratu talk mean, Idowu just dey tell me “Beware! Oga MAT beware! Beware!!!”

So Idowu sef no gree tell me wetin dis coza talk mean, but no how, no how, I must find out. I swear!

Make we meet again on Tuesday.

Tank you.

Tank you very much.

And tank you very, very much indeed. 

Source News Express

Posted 05/07/2019 4:51:32 PM





You may also like...
Nollywood star Uche Jombo declares stand on rape...

Sammie Okposo going crazy . . .

How Naira Marley missed erecting an empire from...

Xenophobia forced me out of Lucky Dube’s band...

Ileya fowl don full my house

Terry G loses faith in Nigeria?

Nigeria’s TOP 10 Songs

Not having sex regularly can make you lose...

S-I-K-I-R-A-T-U ! (2)

Me sef want begin drive Uber

Troubled ‘R Kelly may commit suicide’ •Crisis manager...

And Timaya smiles to the bank with ‘Balance’...


CBN milk production

CBN banner advert

UBA Wise Savers Promo


Maggie's Blog
Latest Gist I’m tired trying to find love — Cossy Orjiakor laments Weeks after BBNAIJA, Kim Oprah still “Pepper” men Nigeria’s TOP 10 Songs Who send you come? Tell am say I don travel How comedian AY nearly lost his wife to death at a Lagos hospital I was scared of sharing my newly married husband with those housemates on BBNaija — Mike’s wife reveals SPECIAL FEATURE: What really sells in the Nigerian music market? Crocodile cry Regina Daniel’s real age exposed Zainab Balogun reveals her only heart desire Nigeria’s TOP 10 Songs Cold Room school? Over my dead body!


Most Read Nigerian stars who cannot do without smoking (85,768 views) Husband dashes Mercy Johnson’s hopes, turns her to sales girl ahead of birthday (31,532 views) Veteran actor Kanayo O. Kanayo’s shocking discovery at Imo Government House (24,250 views) Anita Joseph breaks born again rule (22,131 views) See what Cossy Orjiakor wore to meet Sanwo-Olu (17,155 views) Popular female gospel artiste whose love for cigarettes and spirits is unequalled (17,087 views) Wife slaps Governor Obiano over mistress? (16,999 views) Nigerian music stars who may never shine again (14,864 views) Cossy Orjiakor on wheelchair after attack by ‘evil’ pussycat (11,640 views) Expensive joke that may put Basketmouth in trouble (11,215 views) Cossy Orjiakor applies her magic wand again (10,987 views) Nigeria’s TOP 10 SONGS this week (10,805 views)


Africa Media Agency and Al Jazeera