NLNG Corporate Teamwork banner First bank FinTech summit Fidelity bank card banner Emerald Energy Institute Camano banner

Na who carry my Server for here?

By News Express on 28/06/2019

Gmail icon

Views: 1,002


Since yesterday I dey find my ting, I no see. I no know who carry am, but I must find out. If I lie, make I baf naked for bafroom.

Dis my taxi driver work no dey give me time at all, at all. I dey always dey for road 24/7.

And as I get big big woman pikin dem – Bisi and Funke – I must to monitor dia waka. I no wan hear tori tomorrow say, I miss dis, I miss dat. Anybody wey miss anyting must go find am for any place e take miss am. Period!

Di woss na dat my second pikin. Funke no dey hear word ra-ra-ra. Im own na kill and chop, even if na im grand papa age mate. Dat Funke! I no know di person blood e carry, weda na my blood or na im mama own.

Even dat dia mama sef, I don dey get double mind about am. No be say I dey suspect my wife o. But since dat day wen Bose tell me korokoro say e wan begin do oyibo work for night club, na im I begin fear am.

Na becos of all dis ting I travel go meet Baba Ijebu last year. As I tell Baba all my fear,  Baba say make I no worry. E prepare someting give me.

E put di ting for inside one black pot like dat, den take red cloth tie am. Baba say make I keep di ting for under my bed wey nobody fit see.

I tell Baba say na for face-me-I-face-you I dey live with my wife and two pikin dem. Baba say if na so, e go do someting wey be say even as di ting dey for under bed, nobody go fit see am, only me.

Baba tell me say, di ting work na to capture everyting wey my family dey talk and do for inside house wen I no dey house. E say e go even capture any visitor wey come my house for my back.

Baba tell me wetin I go dey tell di ting if I wan sabi every ting my people do wen I no dey.

But Baba tell me one ting I must not chop. E say any day I chop am, di ting go spoil. I tell Baba say dat one na small ting nah. For where I go even see am chop wen I no dey for village wey dat ting dey nyafu-nyafu?

Since dat last year wen I keep di ting for under bed, di ting dey tell me everyting wey happen for house wen I come back. And nobody sabi say di ting dey dia.

But yesterday wen I come back, I no see di ting again. I don look for am every corner of di room and parlour wey we dey live, I no see am. And I no fit tell anybody say someting miss.

But I dey suspect my wife Bose. Before I comot for house dis morning, Bose see as I bend down, dey find someting under di bed. As I look up, I catch am wen e dey laugh.

I ask my wife wetin make am laugh, e say na di ting wey dem dey talk for radio make am laugh.

E say dem dey talk for radio say server dey miss. E say di way dem take talk am, e be like server na di ting wey dey capture tings.

I come talk am for my mind say, na my own server dey miss so, and I must to find out who carry my server. I swear!

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 28/06/2019 1:14:22 PM

 

 

CLASSIFIED ADS

 

You may also like...
Who will save Cossy Orjiakor?

SPECIAL FEATURE: Who stands a better chance at...

Teni: 10 intimate things to know about the...

Davido battles to escape slipping into depression

Mercy Aigbe finds love in South Africa

Ini Edo recovers from heartbreak

Crocodile cry

$1 million bra unveiled in U.S.

Nigeria’s TOP 10 Songs

Timi Dakolo ‘drops’ case against Pastor Fatoyinbo to...

Man arrested for alleged sex trafficking in connection...

Wahala dey!

 

CBN milk production

CBN banner advert

UBA Wise Savers Promo

 

Maggie's Blog
Latest Gist I’m tired trying to find love — Cossy Orjiakor laments Weeks after BBNAIJA, Kim Oprah still “Pepper” men Nigeria’s TOP 10 Songs Who send you come? Tell am say I don travel How comedian AY nearly lost his wife to death at a Lagos hospital I was scared of sharing my newly married husband with those housemates on BBNaija — Mike’s wife reveals SPECIAL FEATURE: What really sells in the Nigerian music market? Crocodile cry Regina Daniel’s real age exposed Zainab Balogun reveals her only heart desire Nigeria’s TOP 10 Songs Cold Room school? Over my dead body!

 


Most Read Nigerian stars who cannot do without smoking (85,768 views) Husband dashes Mercy Johnson’s hopes, turns her to sales girl ahead of birthday (31,532 views) Veteran actor Kanayo O. Kanayo’s shocking discovery at Imo Government House (24,250 views) Anita Joseph breaks born again rule (22,131 views) See what Cossy Orjiakor wore to meet Sanwo-Olu (17,155 views) Popular female gospel artiste whose love for cigarettes and spirits is unequalled (17,087 views) Wife slaps Governor Obiano over mistress? (16,999 views) Nigerian music stars who may never shine again (14,864 views) Cossy Orjiakor on wheelchair after attack by ‘evil’ pussycat (11,640 views) Expensive joke that may put Basketmouth in trouble (11,215 views) Cossy Orjiakor applies her magic wand again (10,987 views) Nigeria’s TOP 10 SONGS this week (10,805 views)

 

Africa Media Agency and Al Jazeera