Fidelity bank card banner Camano banner

Helep! I don carry ogbologbo passenger dem

By News Express on 21/06/2019

Views: 692


I dey always talk am say, di orisirisi tings wey we taxi driver dey take our mouth see for Lagos road, our eye no fit talk am finish.

Every day, na new ting man pikin dey see. Some na good, some na bad. Some fit take man to di next level (no be like dia own o), and some fit put man head for ground sef. Olorunmaje!

Na so I go drop one passenger yesterday for Festac. As I drive come out for dat Lagos/Badagry  expressway make I climb dat Mile Two overhead bridge come begin face Oshodi, na im two bobo like dat stop me.

Dem carry one hand bag follow body. Dem say make I carry dem for drop go Ogudu GRA for dat Alapere side.

I tell dem my price, dem gree. I say make dem enter. Di two both of dem enter for back seat. Na im I begin fire dey go.

We no even go one meter sef wen dem open di bag wey dem carry. Dem comot someting wey dem tie for white paper. Di ting sef na white like powder wey woman dem dey take rob for face.

Dem no know say I dey take style dey look dem for my inside mirror.

I see say dem put di powder for dia nose, like say dem dey take native snuff.

Wen dem sniff am, dem go close dia eye, dem come go shake dia head like say spirit catch dem. By di time dem open dia eye, e go red like fire.

Dem do dis ting like three times, me I just dey look dem. I come dey wonder wetin dis two bobo dem dey do for inside my guonguoro. I come tink say weda na di new snuff wey oyibo bring out be dat.

Di next ting be say, di one wey carry bie bie wey long like Osama own come ask me, “Sorry sir, please can we make use of your car lighter?”

I tell am: “Sorry, Sir, dis my taxi no get dat kind ting.”

Di second bobo come say: “Shit men! Why did we board this old school cab owned by this old school pap?”

I just do like say I no hear dat one. Sebi my own na to drop dem make I collect my money.

Di Osama come remember say dem carry matches for inside dia bag. Na im e bring out di matches. E also bring two wrap of igbo come out, e give one to im second and try to light im own.

I talk am for my mind say dis bobo dem no sabi who Oga MAT be. Smoke igbo for inside my guonguoro? Who born dog!

Na so I clear for road side, stop, open my door and come out. I open dia door too.

I ask dem why dem wan do wetin dem wan do so.

Osama say: “So what? What the fuck are you talking about? Is it a crime to light ganja? O, what a shit!”

I ask am say if e don shit finish, make dem come down.

Di second bobo wey slim pass di needle wey tailor dem dey use come dey hala: “Fuck you old school pap! Is it because we decided to board this old school cab that’s why you wanna insult us? Look, it’s Uber we rock, not this scrap. Fuck you men!”

I tell dem say if dem don finish, make dem come down. I open di door wide.

Osama come down, he wan touch me, na im I tell am say if e try am, im hand go stand still, e no go come down again lai lai.

I no know say as all dis ting dey go on, one soja wey dey guard dat petrol station wey dey near dey hear us.

Di soja come ask me who dem be. I tell am say na for road dem stop me say make I drop dem for Ogudu GRA, say I no sabi dem before.

Di soja come point gun for dia head, say make dem lie down flat for dat main road. Come see as Osama and im second dey crawl for ground, dey beg soja.

Di soja come tell me make I dey go. As I enter my guonguoro wan go, olopa dem full dia van wan pass. Na im di soja stop di olopa van, hand over Osama and im needle size partner-in-crime to dem.

Me, I don dey go my way. I see for side mirror as olopa dey trowey dem for inside dia van.

Nonsense and ingredient!

Make we jam again on Tuesday.

Source News Express

Posted 21/06/2019 11:21:29 AM

 

 

CLASSIFIED ADS

 

You may also like...
Tonto Dike regrets being a woman

Stella Damasus reveals secret of survival and happiness...

Wife slaps Governor Obiano over mistress?

How detained Dino Melaye celebrated son’s birthday from...

Who’ll save this dying Nollywood star?

Veteran actor Kanayo O. Kanayo’s shocking discovery at...

Nigeria’s TOP 10 songs

2face Idibia’s career to end this year?

Nollywood actress Vivian Metchie begs for genset

Nigeria’s TOP 10 SONGS this week

I dey enjoy my boom

See as rain open everybody nyansh

 

NLNG Job Vacancy

CBN banner advert

UBA Wise Savers Promo

 

Maggie's Blog
Latest Gist SPECIAL FEATURE: My fears for Clarence Peters, By Itty Okim Celebrity actress Gloria Anozie’s solution to rape scourge AY, I Go Dye, Teni, I Go Save, Gordons, Akpororo, Young Chief, others storm Warri in ‘Home Coming’ Helep! Sisi dem wan finish me o!! Beyonce shuns Davido, unveils outcome of collabo with Wizkid, Burna Boy, Yemi Alade, Tekno, Mr Eazi, Others Renowned movie producer Zeb Ejiro turns model Nigeria’s TOP 10 Songs I don carry Miss Lainus today What Tonto Dike does every night Burna Boy shuts down Paris Special Feature: The secret to success in Nigerian showbusiness Oga Sanwo-Olu wan send me go America

 


Most Read Nigerian stars who cannot do without smoking (81,360 views) Veteran actor Kanayo O. Kanayo’s shocking discovery at Imo Government House (23,582 views) Anita Joseph breaks born again rule (20,877 views) Popular female gospel artiste whose love for cigarettes and spirits is unequalled (16,367 views) See what Cossy Orjiakor wore to meet Sanwo-Olu (15,692 views) Nigerian music stars who may never shine again (13,800 views) Wife slaps Governor Obiano over mistress? (13,568 views) Cossy Orjiakor on wheelchair after attack by ‘evil’ pussycat (10,680 views) Expensive joke that may put Basketmouth in trouble (10,547 views) Cossy Orjiakor applies her magic wand again (10,420 views) Nigeria’s TOP 10 SONGS this week (10,390 views) Don Jazzy finally finds wife (8,685 views)

 

Africa Media Agency and Al Jazeera