NLNG Corporate Caring banner First bank SME Connect Fidelity bank card banner Emerald Energy Institute Camano banner

Dem say I must marry second wife

By News Express on 07/06/2019

Gmail icon

Views: 1,023


Una welcome from odun o.

Di Ileya sweet, no be small. Our union chairman Jimoh and our treasurer Idowu, invite di rest of our union member dem to dia house make we come follow dem open mouth after di long fasting. No be small open mouth o!

Since dat Tuesday wey be Ileya, na yesterday Thursday di two both of dem – Jimoh and Idowu – resume work for garage. And dem still bring Ileya fowl meat and drink come share.

Dem kukuma sabi say my usual na “odekun” a.k.a “who send you come?” a.k.a "Black September” a.k.a “black oil”. Idowu own na “monkey tail”, Akpan own na “palmy” a.k.a “white wash”.  Emeka own nko? Dat one na “akpeteshi” a.k.a “killervin”. And Jimoh own na Alomo or “Baby Oku”.

Jimoh and Idowu bring all di above come garage yesterday make we take complete di Ileya.

Di ting come be like small party for our garage wey dey for near Ikeja under bridge.

All dose Ipodo area boy dem complete for our garage dat yesterday. Dia own sef, dem bring Igbo join am - all jumbo size like Abami Eda own. Ileya continue!

Na for inside dat enjoyment four elder like dat waka enter our garage. As I see wetin dem wear, I just know one time say na my village people come so.

Dem first go meet Akpan say dem wan see Oluwafemi. Akpan tell dem say nobody like dat dey for our garage. Me I just dey one corner take style dey look dem.

Akpan ask dem wetin di Oluwafemi dey do. Dem say dem hear for village say na taxi driver e dey do. Akpan ask dem weda di person no get anoder name. Dem say di person full name na Oluwafemi Olugbemiro Olusalako.

Akpan say make dem go check for anoder taxi park, say nobody like dat dey for here.

As dem wan waka comot, Akpan say make dem describe di person wey dem dey find. Dem say e don tey well well wey di person lef village come Lagos. Say di village dey for Ogbomosho and di person get four big tribal mark for face.

As Akpan just hear Ogbomosho and four tribal mark for face, e say make dem wait, im dey come.

Akpan begin waka come my direction, and so my four village elder dem take sight me.

As dem just see me, all of dem shout at di same time, “Na im be dat!”

(To be continued)

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 07/06/2019 12:13:29 PM

 

 

CLASSIFIED ADS

 

You may also like...
Se, make I slap am?

Abeg who helep me see my guonguoro key?...

Man arrested for alleged sex trafficking in connection...

Anita Joseph breaks born again rule

Why Nigerians don’t deserve electricity — BBNaija star...

Revealed: Latest weird passion of star actress Omotola...

Olamide vs Rema: Who’s bigger? — Fans throw...

What Tonto Dike does every night

Halima Abubakar returns to nudity

I wan start night school again (2)

Are you a builder? Paul Okoye needs contractors...

Na me and Sikiratu dis Xmas

 

CBN milk production

CBN banner advert

UBA Wise Savers Promo

 

Maggie's Blog
Latest Gist How God shocked Lilian Bach on her birthday Jim Iyke declared wanted Nigeria’s TOP 10 Songs Python Dance ko, frog jump ni (2) Regina Daniels goes back to school Actors Guild disowns woman caught in Canada with identity thefts but… SPECIAL FEATURE: What about Zlatan’s Zanku Album? Python Dance ko, frog jump ni Born again Anita Joseph regrets going back to worldly dressing, wants to dash out wears Behold, the new Actors Guild of Nigeria EXCO Nigeria’s TOP 10 Songs I wan start night school again (2)

 


Most Read Nigerian stars who cannot do without smoking (86,550 views) At last, Davido reacts to Chioma’s shirtless ex-boyfriend photo (57,459 views) Husband dashes Mercy Johnson’s hopes, turns her to sales girl ahead of birthday (31,674 views) Veteran actor Kanayo O. Kanayo’s shocking discovery at Imo Government House (24,397 views) Anita Joseph breaks born again rule (22,336 views) See what Cossy Orjiakor wore to meet Sanwo-Olu (17,322 views) Popular female gospel artiste whose love for cigarettes and spirits is unequalled (17,270 views) Wife slaps Governor Obiano over mistress? (17,178 views) Nigerian music stars who may never shine again (15,012 views) Cossy Orjiakor on wheelchair after attack by ‘evil’ pussycat (11,807 views) Expensive joke that may put Basketmouth in trouble (11,339 views) Cossy Orjiakor applies her magic wand again (11,112 views)

 

Africa Media Agency and Al Jazeera