Fidelity bank card banner Camano banner
Me sef wan take oath of office

By News Express on 31/05/2019

Views: 701

Power sweet, no be small. See as that Wednesday dem say make our Union people and orders come show face for Democracy Day.

Me, I tire well well, becos di day before dat Wednesday, I carry one passenger like dat, plus including im wife and two pikin, go Epe. And na for midnight I take reach my house wey dey for Abule Egba.

So, na for house I siddon watch everyting wey dey happen for TV – as Buhari and Osinbajo, dey swear on top one big book like dat.

NEPA no kuku dey as usual, so na di small fuel wey remain for inside my guonguoro tank I take mouth and pipe draw put for generator.

As I dey watch di TV, I say make I change  channel,  na im I see say di same ting wey our oga patapata and im second dey swear, na so governor dem and dia second dey swear put.

Wetin come sweet me pass be say, di big book wey dem dey swear put, na person helep dem hold am. Di microphone wey dem dey talk inside, na anoder person dey hold am.

And as dem swear finish, wan go siddon for dia seat, anoder person don tanda gidigba to make sure say dem siddon well.

Di ting come sweet me, no be small. Di ting wey come make me like our oga patapata dat Wednesday be say, as e  swear finish, e just waka comot, lef everybody for dia.

All di people wey come dia to hear di plenty grammar wey go trowey for oga patapata mouth no even sabi wen oga enter motor comot and lef dem for dia. Tori Olorun!

Na as I dey see all di ting wey happen for TV, I come remember say since wen me, Jimoh, Idowu , Emeka and Akpan become our Union executive, dem never give us swear make we swear for on top of oath of office.

Na im make I tell Jimoh (our Union branch chairman) say im number one mandate now na to organise event wey all of us go use our own book and swear oath for our own office too.

And wen I swear finish, I go just enter motor comot for dia, I no go talk anyting. Se na talk we go chop?

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 31/05/2019 1:44:12 PM





You may also like...
My pikin want marry oyibo

Na orisirisi sisi dem full for Lagos road...

10 quick things to know about top Nigerian...

TOP 10 Nigerian Songs for This Week

Toke Makinwa speaks on origin of her nude...

Revealed: Latest weird passion of star actress Omotola...

‘Night Bus To Lagos’ journeys to London

Meet newbreed Nigerian music acts who currently control...

Uche Jombo checks out of Nigeria

Nigeria’s TOP 10 Songs

It is not possible for female prisoner to...

Today na today


NLNG Job Vacancy

CBN banner advert

UBA Wise Savers Promo


Maggie's Blog
Latest Gist What Tonto Dike does every night Burna Boy shuts down Paris Special Feature: The secret to success in Nigerian showbusiness Oga Sanwo-Olu wan send me go America Cossy Orjiakor on wheelchair after attack by ‘evil’ pussycat Akwa Ibom girls set to take to the streets over female genital mutilation Olu Jacobs: A veteran at 77 Nigeria’s TOP 10 songs Se, make I slap am? (2) Tiwa Savage goes on sex holiday Star actress Ufuoma Stacey’s weird appeal Special feature: Wizkid vs Davido


Most Read Nigerian stars who cannot do without smoking (81,009 views) Veteran actor Kanayo O. Kanayo’s shocking discovery at Imo Government House (23,539 views) Anita Joseph breaks born again rule (20,816 views) Popular female gospel artiste whose love for cigarettes and spirits is unequalled (16,306 views) See what Cossy Orjiakor wore to meet Sanwo-Olu (15,639 views) Nigerian music stars who may never shine again (13,734 views) Wife slaps Governor Obiano over mistress? (13,020 views) Expensive joke that may put Basketmouth in trouble (10,515 views) Cossy Orjiakor on wheelchair after attack by ‘evil’ pussycat (10,455 views) Cossy Orjiakor applies her magic wand again (10,381 views) Nigeria’s TOP 10 SONGS this week (10,372 views) Don Jazzy finally finds wife (8,656 views)


Africa Media Agency and Al Jazeera