Fidelity bank card banner Camano banner
See as rain open everybody nyansh

By News Express on 21/05/2019

Views: 567


Na wa for dat kind rain wey fall for Lagos yesterday Monday o. I sure say di rain use vex fall becos e don dey struggle to fall since, e no fit. Dem say na hold dem been dey hold am tele tele make e no fall.

Dat yesterday morning, we just finish our Union meeting wey we discus how we go take work with Sanwo Olu wey wan take Ambode place so. Dem talk say wen Lagos talk, Sanwo Olu answer. Se wen e enter, im go also answer we taxi driver? Na wetin we discus for dat meeting be dat.

As all of us just say Amen for di pray wey Jimoh(our chairman) and Idowu(treasurer) pray to end di meeting, na im we just dey hear one kind loud noise like dat. I first tink say weda na helicopter fall for our garage.

All of us nearly run. Na later we see say na heavy wind dey blow. Small time everywia come turn to night - very dark - for 8 o'clock a.m in di morning o. Tori Olorun!

Di next ting be say, rain don start be dat. Di kind rain wey fall dat yesterday morning, I never see since I run comot for my village for Ogbomosho come Lagos.

Di rain scata everywia, everybody dey run kati kati to go take cover for under bridge wey dey near our garage.

Before you open your eye sef, rain water don full for gutter trowey. All di road come turn to river. Olorun Oba o! And we hear say, as e be for Ikeja, na so di hole Lagos be.

Tank God say we hold dat meeting for our garage dat yesterday morning. If dat kind rain catch me for road, how I for do with my guonguoro nah.

People wey dey road hear nwi for dat rain, I swear! Plenty people nyansh open, no be small. All dose motor wey dia body dey shine like say na tear rubber, dem drink water for road sote dem peme inside.

Okada nko? Dat one na anoda matter entirely. Flood carry plenty okada for Ikeja go trowey for Lagoon.

One sisi like dat fall inside di rain water and carry im two leg up. Na dat time everybody see say everyting for di sisi body na fake - hair, nyansh, breast, nail - all na fake! Everyting na padded. Come see as all dose agbero laugh am. Di sisi come dey cry.

Di only ting wey disturb me for dat rain na cold wey enter my body. I come dey tink how I go just take my guonguoro enter di rain rush go meet my wife Bose for house.

But no road. If I make mistake put my guonguoro for inside dat River Ikeja, my nyansh sef for open.

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 21/05/2019 1:36:14 PM

 

 

CLASSIFIED ADS

 

You may also like...
Mercy Aigbe finds love in South Africa

B-U-H-A-R-I!

Mike Abdul: 10 things you did not know...

Tiwa Savage goes half nude at Xmas •See...

OBJ turns supermodel

Nigeria’s Tobi Kaye warms up UK music scene...

Small Doctor celebrates freedom

Lack of regular sex can lead to mental...

Genevieve Nnaji defends men

Zubby Michael promises fans cash splash on his...

Me and INEC, who neck dey pain?

Ini Edo contending with numerous suitors

 

NNPC 2019 National Science Quiz Competition

CBN banner advert

UBA Wise Savers Promo

 

Maggie's Blog
Latest Gist Kris Okotie, Dizzy K Falola, Felix Liberty, Jide Obi, other former pop stars plan a come back Popular female gospel artiste whose love for cigarettes and spirits is unequalled Nollywood star Alex Ekubo redefines friendship Nigeria’s TOP 10 Songs Helep! I don carry ogbologbo passenger dem Halima Abubakar returns to nudity Davido promises his kid daughters more time, more love All dis Lagos sisi dem no go kill di son of man o! Star actor Chinedu Ikedieze (Aki) targeting another love? Getting regular body massage gives me joy — Ngozi Nwosu Nigeria’s TOP 10 Songs Dem say I must marry second wife (3)

 


Most Read Nigerian stars who cannot do without smoking (75,672 views) Veteran actor Kanayo O. Kanayo’s shocking discovery at Imo Government House (23,350 views) Anita Joseph breaks born again rule (20,529 views) Popular female gospel artiste whose love for cigarettes and spirits is unequalled (15,704 views) See what Cossy Orjiakor wore to meet Sanwo-Olu (15,323 views) Nigerian music stars who may never shine again (13,025 views) Wife slaps Governor Obiano over mistress? (12,298 views) Expensive joke that may put Basketmouth in trouble (10,329 views) Nigeria’s TOP 10 SONGS this week (10,245 views) Cossy Orjiakor applies her magic wand again (10,138 views) Don Jazzy finally finds wife (8,490 views) Revealed: One thing Teni cannot do without (8,419 views)

 

Africa Media Agency and Al Jazeera