Fidelity bank card banner Camano banner
Iraq, Iran war don shele for our garage (2)

By News Express on 16/05/2019

Views: 546

Wen Aisha give Sikiratu anoder blow for face ppuuaarrhh, di crowd wey gather shout “Ehhh!!” As Sikiratu reply with double blow ppuuaarrhh! ppuuaarrhh!!, di crowd shout “One kpondo!”

I no come know wetin make I do. I look back to see weda any of our Union member dem dey around wey go helep me stop dis war, for wia! All of dem don enter dia taxi, drive comot for garage. Tori Olorun!

One old Baba and im wife enter garage dat very time to come take drop go somewia. As di Baba enter, na dat time di fight come hot pass.

Dat time, Sikiratu don tear Aisha clothe come remain only pant and bra. All di bobo wey dey for dia dey try to push and come close make dem look di yellow G-string wey Aisha wear.

By dat time, Aisha sef don bite Sikiratu for nyansh, sote blood dey come out.

Di Baba shout: “What is going on here?” Nobody mind am. Di fight dey hot dey go and di crowd dey cheer dem.

Baba collect phone for Mama hand, I see as e make call. E no reach five minute, come see Hilux van wey carry full load of olopa with gun from Area F arrive.

Di olopa dem begin shoot tear gas as dem see di crowd and di fight. Dat time, di Baba and Mama don comot one ting like dat for dia bag take cover dia nose make tear gas no affect dem.

Come see as everybody run kati kati. As di olopa dem see Baba and Mama, dia oga shout, “Tion for officer everywhere!” All of dem tanda for attention, nobody shake body till di Baba come tell dem “Easy!” Na dat time all di olopa dem come salute di Baba and Mama.

Na later I come hear say di Baba and Mama – husband and wife – na commissioner of olopa for Abuja tele tele but dem don retire.

I hear wen di Baba tell di olopa oga say im been come to take taxi for drop go airport to travel go Abuja wen e meet di fight. E say make di olopa carry di two sisi dem go dia station go ask dem wetin go make dem fight like dat, sote dem tear dia clothe for motor park.

Aisha wan explain wetin happen, na im di oga olopa shout for im head say make e keep im mouth for permanent condition of shut up till e reach for station.

As olopa push Sikiratu and Aisha enter dia Hilux van, na im me sef find my way. If di two both of dem mention my name, na wetin I go tell olopa?

Dat’s why, since dat Monday wey di Iraq and Iran war shele, I no show face for garage.

If anybody ask of me, tell di person say I no dey house, I don travel.

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 17/05/2019 11:01:56 AM





You may also like...
I don change base

Iraq, Iran war don shele for our garage...

Rudeboy Psquare promotes Igbo culture in new music...

Oritsefemi pulls out of ‘Fvck You’ challenge… Apologises...

POETIC CORNER - But for the kids

Na orisirisi sisi dem full for Lagos road...

Kcee becomes ‘The King in Naples’ •Where to...

I wan follow do cinema (2)

All Lagos sisi wan be my First Lady...

Chaaii, Xmas sisi dem don full every wia...

Barao banza!

Yul Edochie reveals magic wand for success


NNPC 2019 National Science Quiz Competition

CBN banner advert

UBA Wise Savers Promo


Maggie's Blog
Latest Gist Kris Okotie, Dizzy K Falola, Felix Liberty, Jide Obi, other former pop stars plan a come back Popular female gospel artiste whose love for cigarettes and spirits is unequalled Nollywood star Alex Ekubo redefines friendship Nigeria’s TOP 10 Songs Helep! I don carry ogbologbo passenger dem Halima Abubakar returns to nudity Davido promises his kid daughters more time, more love All dis Lagos sisi dem no go kill di son of man o! Star actor Chinedu Ikedieze (Aki) targeting another love? Getting regular body massage gives me joy — Ngozi Nwosu Nigeria’s TOP 10 Songs Dem say I must marry second wife (3)


Most Read Nigerian stars who cannot do without smoking (75,674 views) Veteran actor Kanayo O. Kanayo’s shocking discovery at Imo Government House (23,350 views) Anita Joseph breaks born again rule (20,529 views) Popular female gospel artiste whose love for cigarettes and spirits is unequalled (15,705 views) See what Cossy Orjiakor wore to meet Sanwo-Olu (15,323 views) Nigerian music stars who may never shine again (13,025 views) Wife slaps Governor Obiano over mistress? (12,298 views) Expensive joke that may put Basketmouth in trouble (10,329 views) Nigeria’s TOP 10 SONGS this week (10,245 views) Cossy Orjiakor applies her magic wand again (10,138 views) Don Jazzy finally finds wife (8,490 views) Revealed: One thing Teni cannot do without (8,419 views)


Africa Media Agency and Al Jazeera