NLNG Corporate Caring banner First bank SME Connect Fidelity bank card banner Emerald Energy Institute Camano banner

Iraq, Iran war don shele for our garage

By News Express on 14/05/2019

Gmail icon

Views: 925


 

Na wa for Lagos o. If any Lagos sisi target any man, if di man no strong, na im be say di man must to ready for war be dat.

If you like make you be anoder person husband or papa, if Lagos sisi target you like dis, just know say if Eledumare no tanda with you gidigba, you must to fall.

See like wetin happen yesterday for our garage wey dey for near Ikeja under bridge, di ting pass Iraq versus Iran war wey shele dat time.

Di kind rain wey fall dat morning no be small ting o. As di rain dey fall, di hole of dat our  garage area just turn to River Ikeja, no road to pass.

Na im me and my order Union member dem just siddon dey nack tori.

Wen di rain come stop, e take anoder two hour make di rain water for road dry. Na as we dey wait make di water dry, na im Aisha enter garage with im market.

Una kukuma sabi say di order day wen di mobile buka girl come sell ewa agoyin for our garage, e been declare before everybody say na me be im love, abi na lust (according to Jimoh, our branch chairman).

But me I sabi say na jealousy dey worry Jimoh dat day. After all,

weda na love or na lust, all na di same ten and ten pence. Na di same mama born di two both of them – love and lust. Simple!

As Aisha come again yesterday, e first come trowey kiss for me for air, piom. And me sef catch am double – piom, piom.

All of us for our garage like ewa agoyin and Agege bread. Dat combination na solid rock. If you chop ewa agoyin with Agege bread, den come use pure water tutu wash am down, na im be say  you don lay foundation for your belle be dat for di rest of di day. You go fit drive from here to Jericho, no wahala becos your belle dey kampe.

If you see di kind special Agege bread wey Aisha bring for me, torin Olorun!  One person no fit finish am lai lai! I sure say dat Agege bread na imported.

As all of us for garage dey chop, na im Aisha come siddon with me, e come dey feed me for mouth like baby.

As Aisha cut di Agege bread again to put for my mouth with anoder batch of ewa agoyin, na im Sikiratu enter garage.

Sikiratu stop, e shout "Chisos!" wen e see as Aisha dey give me food for mouth. Na so I form emergency cough.

Aisha say,  "sorry darling, make I bring pure water tutu for you."

Sikiratu shout, "Stop!!! Wetin you call my Oga MAT? Darling ko. Make I no hear am for your mouth again o!"

Aisha ask me, "Honey, na who be dis wey come disturb our...?"

Aisha no talk finish wen I hear puuuaaaarrrh!!! Sikiratu don land Aisha one dirty slap for face be dat. And na so Aisha wake up and land Sikiratu double dirty slap, ppuuaarrh, ppuuaarrh!!!  Fight don start be dat o. Olorun Oba o!

Instead make our union member dem helep seperate di fight, dem escape one by one, e come remain only me with di two fighter sisi dem.

Trust Lagos people, small time crowd don gather for our garage, dey watch di Iraq versus Iran war...

(To be continued)

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 14/05/2019 2:38:17 PM

 

 

CLASSIFIED ADS

 

You may also like...
Veteran actor Kanayo O. Kanayo’s shocking discovery at...

Mike Ezuruonye speaks to the youth

Zachee Orji takes up tailoring

Actress Dayo Amusa queried about source of her...

Expensive joke that may put Basketmouth in trouble...

Daddy Showkey nicknames his manhood

I still dey inside Val matter with Bose...

Burna Boy plans collabo with Wizkid

Why I dance in my underwears and flaunt...

No be only Prof, na VC

Star actress Bimbo Akintola’s best birthday gift

Sex video tape played in Lagos court in...

 

CBN milk production

CBN banner advert

UBA Wise Savers Promo

 

Maggie's Blog
Latest Gist Born again Anita Joseph regrets going back to worldly dressing, wants to dash out wears Behold, the new Actors Guild of Nigeria EXCO Nigeria’s TOP 10 Songs I wan start night school again (2) Olamide vs Rema: Who’s bigger? — Fans throw stones Are you a builder? Paul Okoye needs contractors for his planned 3 mansions SPECIAL FEATURE: Burna Boy and his magic wand I wan start night school again Wizkid, Teni sex romps exposed Yul Edochie and wife shower each other with love at their 15th anniversary Nigeria’s TOP 10 Songs Helep! My wife Bose and Sikiratu dey for secret meeting (2)

 


Most Read Nigerian stars who cannot do without smoking (86,387 views) At last, Davido reacts to Chioma’s shirtless ex-boyfriend photo (57,353 views) Husband dashes Mercy Johnson’s hopes, turns her to sales girl ahead of birthday (31,657 views) Veteran actor Kanayo O. Kanayo’s shocking discovery at Imo Government House (24,377 views) Anita Joseph breaks born again rule (22,301 views) See what Cossy Orjiakor wore to meet Sanwo-Olu (17,290 views) Popular female gospel artiste whose love for cigarettes and spirits is unequalled (17,253 views) Wife slaps Governor Obiano over mistress? (17,160 views) Nigerian music stars who may never shine again (14,983 views) Cossy Orjiakor on wheelchair after attack by ‘evil’ pussycat (11,773 views) Expensive joke that may put Basketmouth in trouble (11,321 views) Cossy Orjiakor applies her magic wand again (11,088 views)

 

Africa Media Agency and Al Jazeera