NLNG Corporate Caring banner First bank SME Connect Fidelity bank card banner Emerald Energy Institute Camano banner

Barao banza!

By News Express on 10/05/2019

Gmail icon

Views: 910


 

No kind of person wey no dey for Lagos. If you want good person, e dey and if you dey find bad person, dem dey jabrata.

Anybody wey be good person for Lagos, e go over good. And anybody wey be bad person for Lagos, na im be say dat one dey share di same room with Lucifer.

Dat’s why dem dey talk say Lagos na Center of Excellence.

Example be say, any taxi driver for Lagos na excellent for di hole world, and any thief, winch or ashewo wey dey Lagos, na excellent worldwide too. If na lie I talk, make I baf naked for bafroom.

Na so I carry one passenger like dat yesterday. Di bobo enter our garage wey dey near Ikeja under bridge. If you see dis bobo, you go just conclude say na complete gentleman be dat. And I sure say any sisi wey im chase go just gree for am kia kia. Di bobo tall and fine, no be small.

Na so di bobo say make I carry am for drop go National Stadium for Surulere. I tell am my price, e gree. I tell am make e enter, di bobo jump inside front seat. We don move be dat.

We no reach Maryland wey I notice say di bobo dey shift, dey come near driver seat well well.

Wen I look am, e go shift go back. I tink say na mistake e make but wen I notice say e don dey do am plenty time, na im I ask am why e just like to touch my body. E say sorry.

As we reach stadium, di bobo say make I no drive inside, e say make I just clear for near di stadium gate make e come down.

Di bobo pay me and come down. Wen I raise my body up small, say make I put my guoguoro for gear and move, I notice say all di pocket wey dey for my buba and  shokoto don open mouth like fish.

I stop and look all di pocket well well, I shock to see say di 6000 naira wey I carry  comot for house dat morning don vamus. Na my wife Bose give me dat money make  I helep am buy red handbag , bring am for am wen I dey come house dat night.

Quick quick, I stop my guonguoro, jump out and begin run pursue dat my passenger. If you see di kind speed wey dis bobo carry for leg, jet fighter sef no near am.

As I dey run dey pursue am, I dey point hand dey shout, “Ole! Ole!! Ole!!!” Trust Lagos people nah, everybody for di stadium follow dey shout Ole, dey follow me pursue di bobo.

Di bobo wan run, but dem catch am. Wen dem search am, dem see di 6,000 Naira inside di brown envelop wey Bose take rap am give me for morning.

I tell everybody say na my money wey di bobo thief. I show dem as e take razor blade cut my shokoto trouser and buba wen I dey drive am come.

Na so dem begin land am blow left, right and center. Dem naked am and e come tanda like di day dem born am – stark naked!

As dem want hang am tyre for neck to take burn am alive, na im di bobo begin cry like new born baby.

Na di Olopa dem wey just arrive with dia motor be im saviour. Tank God say dem give me Bose money back. Na wetin I for tell Bose say happen to im red handbag money?

Olopa trowey di bobo inside dia Hilux van and take am away make people  no kill am. Me sef begin go my way.

Ole! Onyoshi!! Barao banza!!!

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 10/05/2019 12:05:57 PM

 

 

CLASSIFIED ADS

 

You may also like...
Nollywood star Alex Ekubo redefines friendship

Nigeria’s TOP 10 Songs

Mercy Johnson and Odi Okojie’s marriage: 8 years...

Divorce-seeking woman makes U-turn in court, begs for...

Terry G loses faith in Nigeria?

Ini Edo recovers from heartbreak

Kcee becomes ‘The King in Naples’ •Where to...

Lack of regular sex can lead to mental...

Osuofia speaks from London

Timaya goes off the radar

Tonto Dike regrets being a woman

Naira Marley rides on the wings of ‘Oyinbo’...

 

CBN milk production

CBN banner advert

UBA Wise Savers Promo

 

Maggie's Blog
Latest Gist Born again Anita Joseph regrets going back to worldly dressing, wants to dash out wears Behold, the new Actors Guild of Nigeria EXCO Nigeria’s TOP 10 Songs I wan start night school again (2) Olamide vs Rema: Who’s bigger? — Fans throw stones Are you a builder? Paul Okoye needs contractors for his planned 3 mansions SPECIAL FEATURE: Burna Boy and his magic wand I wan start night school again Wizkid, Teni sex romps exposed Yul Edochie and wife shower each other with love at their 15th anniversary Nigeria’s TOP 10 Songs Helep! My wife Bose and Sikiratu dey for secret meeting (2)

 


Most Read Nigerian stars who cannot do without smoking (86,387 views) At last, Davido reacts to Chioma’s shirtless ex-boyfriend photo (57,353 views) Husband dashes Mercy Johnson’s hopes, turns her to sales girl ahead of birthday (31,657 views) Veteran actor Kanayo O. Kanayo’s shocking discovery at Imo Government House (24,377 views) Anita Joseph breaks born again rule (22,301 views) See what Cossy Orjiakor wore to meet Sanwo-Olu (17,290 views) Popular female gospel artiste whose love for cigarettes and spirits is unequalled (17,253 views) Wife slaps Governor Obiano over mistress? (17,160 views) Nigerian music stars who may never shine again (14,983 views) Cossy Orjiakor on wheelchair after attack by ‘evil’ pussycat (11,773 views) Expensive joke that may put Basketmouth in trouble (11,321 views) Cossy Orjiakor applies her magic wand again (11,088 views)

 

Africa Media Agency and Al Jazeera