NLNG Corporate Caring banner First bank SME Connect Fidelity bank card banner Emerald Energy Institute Camano banner

We sef dey target our own minimum wage

By News Express on 03/05/2019

Gmail icon

Views: 1,022


Dat May Day parade sweet, no be small. If you see me for action dat day, you no go ever believe say na Oga MAT you see so. I swear!

Di day before dat Wednesday, our Union give us waiting we go wear on May Day – white T-shirt, green fez cap and green trouser.

For morning, I don wake up early, iron my uniform and take am nack for body. By 7 O’clock a.m. in di morning, I don jump inside my guonguoro, begin go our garage wey dey for near Ikeja under bridge.

Before 8 o’clock a.m dat morning, all our union member dem don complete for garage with dia uniform. Na for garage we charter bus begin go Agege Stadium for di parade.

Come see orisirisi sisi and bobo dem for di stadium. Some bobo dem tall trowey, some dey down to earth like our second oga for Aso Rock and oga wey dey Kaduna. Very, very down to earth! Some of dem carry gotie bie bie, and some, dia face smooth like bottle.

Di sisi dem nko? Na dose one plenty pass. Come see some of dem wey carry over load for dia chest and some for dia backyard. Na real Dunlop Elite!  Some of dem be like conquer mixture - dia face yellow like yellow fever, dia hand black like charcoal. My broder, cloth dey cover orisirisi tings for dis world, no be small.

But wetin I notice be say, plenty of di bobo and sisi dem na ashewo dem come do for stadium dat day. Go any corner, you must to see bobo and sisi in some wicked position. And plenty of dem don marry o. Tori Olorun!

Wetin concern agbero with overload? Apart from how we march like soja dem make Oga Ambode take salute, anoder ting wey sweet me pass na wetin Oga Ambode talk. E talk say im don ready to pay 30k minimum wage. And I hear say na di same ting wey oga patapata for Aso Rock and order oga dem for order state dem talk.

But di ting be say, na only dia worker dem, dem dey plan to pay di minimum wage. Na im make I just dey laugh dem since dat May Day. Se na only people wey dey do gofmen work be worker? We taxi driver nko, no be work we dey work?

Dat's why we gree for our union meeting yesterday say make everybody open im ear, im nose, im eye and even im nyash join am, any day we hear say dem don begin pay minimum wage, we must to get our own. Na dat very day money to charter taxi or take drop go anywhere to double. Yes nah.

Abi, who no want collect minimum wage?

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 03/05/2019 11:27:59 AM

 

 

CLASSIFIED ADS

 

You may also like...
See as Sinator dance naked for market place...

TOP 10 Nigerian Songs

Burna Boy shuts down Paris

Kate Henshaw overwhelmed by lover boy

Ali Baba comes up with his own Next...

All Lagos sisi wan be my First Lady...

Nigeria’s TOP 10 songs

Yeye Orange

Teni goes down memory lane

Teni shoots for Best New International Act award...

Dem say I must marry second wife (3)...

My own Xmas don start

 

CBN milk production

CBN banner advert

UBA Wise Savers Promo

 

Maggie's Blog
Latest Gist Born again Anita Joseph regrets going back to worldly dressing, wants to dash out wears Behold, the new Actors Guild of Nigeria EXCO Nigeria’s TOP 10 Songs I wan start night school again (2) Olamide vs Rema: Who’s bigger? — Fans throw stones Are you a builder? Paul Okoye needs contractors for his planned 3 mansions SPECIAL FEATURE: Burna Boy and his magic wand I wan start night school again Wizkid, Teni sex romps exposed Yul Edochie and wife shower each other with love at their 15th anniversary Nigeria’s TOP 10 Songs Helep! My wife Bose and Sikiratu dey for secret meeting (2)

 


Most Read Nigerian stars who cannot do without smoking (86,387 views) At last, Davido reacts to Chioma’s shirtless ex-boyfriend photo (57,353 views) Husband dashes Mercy Johnson’s hopes, turns her to sales girl ahead of birthday (31,657 views) Veteran actor Kanayo O. Kanayo’s shocking discovery at Imo Government House (24,377 views) Anita Joseph breaks born again rule (22,301 views) See what Cossy Orjiakor wore to meet Sanwo-Olu (17,290 views) Popular female gospel artiste whose love for cigarettes and spirits is unequalled (17,253 views) Wife slaps Governor Obiano over mistress? (17,160 views) Nigerian music stars who may never shine again (14,983 views) Cossy Orjiakor on wheelchair after attack by ‘evil’ pussycat (11,773 views) Expensive joke that may put Basketmouth in trouble (11,321 views) Cossy Orjiakor applies her magic wand again (11,088 views)

 

Africa Media Agency and Al Jazeera