NLNG Corporate Caring banner First bank SME Connect Fidelity bank card banner Emerald Energy Institute Camano banner

Aisha my lust!

By News Express on 30/04/2019

Gmail icon

Views: 990


My wife Bose don kukuma talk am tele tele say dis our taxi driver work na ashewo work. And I gree with Bose intoto.

Yes nah. For dis our work, you go see orisirisi passenger dem everyday. And plenty of di passenger na we di driver be dia target.

You know say na Drop we yellow taxi dey carry - only you and di passenger. Some of di woman passenger go begin tune you as una dey go, and if you make mistake carry di bad one for night, hmm, na only Eledumare go helep you make di sisi no rape you in motion.

Even wen you no dey in motion, all dis Lagos sisi dia eye dem still dey for we taxi driver body.

Even as I old reach, and with all di plenty mark wey my papa and mama take tear my face wen dem born me, Lagos sisi dem no let me rest. Na only God know wetin dem see for my body. Tori Olorun!

See like di order day, passenger dem no gree show face for our garage wey dey for near Ikeja under bridge.  Me and my union member dem relax, dey play draft.

Jimoh - our union branch chairman - dey smoke im igbo. Idowu, our treasurer, Akpan plus including Emeka dey shack dia monkey tail. Me, di union akowe, dey nurse my small Alomo as My Usual no dey near.

Na so we just dey relax, dey play our draft o wen one mobile buka sisi like dat come for our garage.

Na Akpan first notice di sisi. E ask di sisi wetin e dey sell, di sisi say na Ewa Agoyin plus Agege Bread e dey sell. Akpan helep di sisi to bring di market down from im head. Na so all of us buy di mobile buka food begin dey eat.

As we dey eat, di sisi wey don take hijab cover im head just tanda dey wait make we chop finish make e collect im plate and spoon wash.

Jimoh ask am wetin be im name, di sisi say im name na Joy. Idowu say “Joy ko, Mary ni”. E say weda e don see wen Joy wear hijab before. Di sisi smile, den look my face ti-ti-ti-ti. Me I comot my eye trowey for di order side, dey deal with my Ewa Agoyin and Agege Bread plus pure water to take wash am down.

Wen all of us don chop finish, every body pay. But wen e reach my turn to pay, di sisi take eye signal me make I no worry. I no understand.

As di sisi wan begin go, Akpan wan helep am again carry di mobile buka put for di sisi head, di sisi say make Akpan no worry.

Na im e use eye signal me make I helep am carry im market put for im head. I helep am. Our order union member dem come jealous.

Akpan tell am say me I marry four wife and I get 10 pikin. Di sisi no mind am. Emeka ask am wetin e wan take old man like me do, di sisi just smile. Idowu tell am say my taxi na guonguoro, say im own taxi na chassis. Di sisi no mind am.

Jimoh come tell di sisi say na only im fit give am love, say wetin me I go give am na lust becos I get girlfriend full every wia for Lagos.

Na dat time di sisi come smile, e tell dem say all di ting wey all of dem talk, na dem sabi. E say na me im love. Jimoh say na lust. Di sisi say weda na love or na lust, all na di same ten and ten pence.

Di sisi use one hand hold im market for im head, take di order hand hold my hand. E say make I escort am reach under Ikeja bridge. Our union member dem wan peme.

Wen we dey go, di mobile buka girl tell me say im real name na Aisha. E say e  go come our garage again next week with im market as dat day na Saturday.

Since dat day, my mind no comot for Aisha my love...sorry...Aisha my lust!

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 30/04/2019 11:32:11 AM

 

 

CLASSIFIED ADS

 

You may also like...
I wan do my birthday party

Annie Idibia’s half nude photo causes ripples

Teni goes down memory lane

Helep! Arike wan scatter my family

Yul Edochie reveals magic wand for success

Actors celebrate Ibinabo Fiberesima

Nigeria’s TOP 10 Songs

Daddy Freeze again!

Tiwa Savage hits it big, signs multi-dollars international...

BBNaija Housemate, Nina, escapes death

Burna Boy reveals his big dream

Gbomo Gbomo

 

CBN milk production

CBN banner advert

UBA Wise Savers Promo

 

Maggie's Blog
Latest Gist Regina Daniels goes back to school Actors Guild disowns woman caught in Canada with identity thefts but… SPECIAL FEATURE: What about Zlatan’s Zanku Album? Python Dance ko, frog jump ni Born again Anita Joseph regrets going back to worldly dressing, wants to dash out wears Behold, the new Actors Guild of Nigeria EXCO Nigeria’s TOP 10 Songs I wan start night school again (2) Olamide vs Rema: Who’s bigger? — Fans throw stones Are you a builder? Paul Okoye needs contractors for his planned 3 mansions SPECIAL FEATURE: Burna Boy and his magic wand I wan start night school again

 


Most Read Nigerian stars who cannot do without smoking (86,481 views) At last, Davido reacts to Chioma’s shirtless ex-boyfriend photo (57,419 views) Husband dashes Mercy Johnson’s hopes, turns her to sales girl ahead of birthday (31,667 views) Veteran actor Kanayo O. Kanayo’s shocking discovery at Imo Government House (24,384 views) Anita Joseph breaks born again rule (22,314 views) See what Cossy Orjiakor wore to meet Sanwo-Olu (17,301 views) Popular female gospel artiste whose love for cigarettes and spirits is unequalled (17,257 views) Wife slaps Governor Obiano over mistress? (17,168 views) Nigerian music stars who may never shine again (14,993 views) Cossy Orjiakor on wheelchair after attack by ‘evil’ pussycat (11,790 views) Expensive joke that may put Basketmouth in trouble (11,328 views) Cossy Orjiakor applies her magic wand again (11,100 views)

 

Africa Media Agency and Al Jazeera