Fidelity bank card banner Camano banner
My Easter jolly jolly with Sikiratu nearly break my waist (2)

By News Express on 26/04/2019

Views: 803

 Wen I see my wife Bose, I nearly faint. My eye and Bose eye just jam. I no come know weda or wedan’t to open my guonguoro door.

Bose smile, me sef open my teeth like say I dey smile. I wind down di window, Bose come look Sikiratu ti-ti-ti. Sikiratu no make pim.

Di next ting, Bose ask me who be di sisi wey siddon with me for di front seat of my guonguoro. Before I open my mouth sef, come see Sikiratu in action. Tori Olorun!

I no sabi say Sikiratu na real actor. As we dey talk, di crowd wey full for di street dey sing and dance.

Sikiratu ask my wife Bose, “Excuse me ma, abeg na here be di joint wey dem dey do short time?” Olorun Oba o! My heart nearly fall trowey for ground.

Bose ask Sikiratu, “Which kind question be dat? Me I know sabi any place wey dem dey do short time o. Na evangelism my church come do for di people here o. Abi na short time you and my husband come do for here?”

As Sikiratu hear dat one, e open door of my guonguoro and jump out. E shout, “Praise di Lord!!!”

E run go di side wey my wife stand, e embreast my wife and say, “Glory be to God! Madam, so you be my mummy in di Lord and wife of dis very nice taxi driver?”

Sikiratu tell my wife say one pastor invite am make e come for di evangelism wey im church want do for near one joint wey dem dey do over time.

E say im and di taxi driver don drive round di hole of dis area, dey find dis place ti-ti-ti, sote e come dey pity di taxi driver, but di man no just worry.

Sikiratu ask Bose, "So ma, na you dey marry dis nice man? God really bless you o!". Bose tell am say, "Hmm, my belove daughter, na God o!" As I hear dat one, my belle come sweet well well.

Sikiratu turn and ask me how much be im money for di drop wey I carry am come dia. I tell am make e just pay any amount, as e be say im na my wife church member.

As Sikiratu open dat im bag to bring out money, Bose tell Sikiratu, “Come, my pikin, no worry about di money. I go pay my husband wen we reach house.”

Na so Bose hold Sikiratu hand, begin go for dia church evangelism wey dey go on for di short time joint street.

Bose no see as Sikiratu take style turn back as dem dey go togeder, and blow me one hot kiss. And me sef blow am back.

Make we jam again on Tuesday.

Tank you.

Tank you very much.

And tank you very, very much indeed.

Source News Express

Posted 26/04/2019 11:54:38 AM





You may also like...
Na me and Sikiratu dis Xmas

Hang out with one of Nigeria’s richest female...

TOP 10 Naija songs

TOP 10 Nigerian Songs

TOP 10 Naija Songs

Ini Edo contending with numerous suitors

News Express debuts Maggie’s Blog Nov. 2

Yemi Alade in the news for the wrong...

‘Mr Grassroots’, others honoured in Lagos

I don hammer!

Teni nominated Best New Artiste

Zubby Michael promises fans cash splash on his...


NLNG Job Vacancy

CBN banner advert

UBA Wise Savers Promo


Maggie's Blog
Latest Gist Beyonce shuns Davido, unveils outcome of collabo with Wizkid, Burna Boy, Yemi Alade, Tekno, Mr Eazi, Others Renowned movie producer Zeb Ejiro turns model Nigeria’s TOP 10 Songs I don carry Miss Lainus today What Tonto Dike does every night Burna Boy shuts down Paris Special Feature: The secret to success in Nigerian showbusiness Oga Sanwo-Olu wan send me go America Cossy Orjiakor on wheelchair after attack by ‘evil’ pussycat Akwa Ibom girls set to take to the streets over female genital mutilation Olu Jacobs: A veteran at 77 Nigeria’s TOP 10 songs


Most Read Nigerian stars who cannot do without smoking (81,287 views) Veteran actor Kanayo O. Kanayo’s shocking discovery at Imo Government House (23,573 views) Anita Joseph breaks born again rule (20,862 views) Popular female gospel artiste whose love for cigarettes and spirits is unequalled (16,361 views) See what Cossy Orjiakor wore to meet Sanwo-Olu (15,685 views) Nigerian music stars who may never shine again (13,783 views) Wife slaps Governor Obiano over mistress? (13,440 views) Cossy Orjiakor on wheelchair after attack by ‘evil’ pussycat (10,622 views) Expensive joke that may put Basketmouth in trouble (10,541 views) Cossy Orjiakor applies her magic wand again (10,412 views) Nigeria’s TOP 10 SONGS this week (10,381 views) Don Jazzy finally finds wife (8,679 views)


Africa Media Agency and Al Jazeera