Fidelity bank card banner Camano banner
My Easter jolly jolly with Sikiratu nearly break my waist

By News Express on 23/04/2019

Views: 838


E dey some tings wey person go talk, everybody go squeeze face and begin blame di person wey talk am.

My broda, di kind ting wey happen to me yesterday wey be Easter Monday, I dey shame to tell anybody.

I nearly enter troublem dat yesterday. I just say make I use style go Madam Shine buka wey dey for near Airport Hotel for dat Ikeja wey our garage dey.

As I enter di buka, na im Sikiratu come meet me. E say as I don land so, im no go serve any order customer again dat day, e say na me and im for dis Easter.

Even im madam, Madam Shine, tell Sikiratu make e go wash plate make dem take am serve customer pepper soup, Sikiratu tell im madam korokoro say e don close for di day, as im man (me o) don land so.

Trust Madam Shine nah, any time I dey for dia, e no dey trouble Sikiratu, but di ting be say e dey use style obtain me, big time!

Before I know it, Madam Shine don shack four bottle of Odekun for my head. Tori Olorun!

Sikiratu say make I no worry, e open im purse, bring out money and pay for di two bottle of “My Usual” wey I take. E also pay for di Coke wey e drink, plus including di four Odekun wey im madam consume.

I ask Sikiratu wey e see dat kind money, e say why I ask am dat kind question, weda I no be im sugar boy. E say na Easter e dey do for me. Chaaaiii!!!

Di next ting be say, Sikiratu carry im bag, e say make we dey go. Before I open my mouth to ask am wia we dey go, Sikiratu don stand up, go jump inside my guonguoro.

Na im me sef go meet am for dia. Sikiratu say make we find place wey only me and im go dey togeder for dat Easter Monday. I ask am which place e get for mind, Sikiratu say make we just comot for dat place, dey drive dey go till we see any joint.

Na im I put my guonguoro into action, begin drive dey go for Agege Motor Road. We come dey go like say we dey go Oshodi.

As we reach Shogunle bus stop, I drive enter di street for right, na im we see one Short Time joint. I branch. We come see say crowd full for di street gan, dem come cause Go-slow sef.

As I park make we come down, I hear person tap my own side of di door of my guonguoro pom, pom, pom. I look up to see who dey knock with dat kind udacity. Na my wife Bose!

(To be continued)

Make we jam again on Friday.

Tank you.

Tank you very much.

And tank you very very much indeed.

Source News Express

Posted 23/04/2019 11:21:20 AM

 

 

CLASSIFIED ADS

 

You may also like...
Eucharia Anunobi curses her enemies to go blind...

Cossy Orjiakor goes haywire, organises G-string pants party...

What’s going on between Basket Mouth and Wizkid?...

Fans rise against Yemi Alade’s show of bum...

Sexy actress Monalisa Chinda invites you to ride...

Obi Emelonye’s ‘Heart & Soul’ premieres on Africa...

Mercy Jonson reveals secret of her sexy looks...

What celebrities said on Valentine’s Day

Nigerian elections: Northerners vote for presidents, Southerners vote...

My Easter jolly jolly with Sikiratu nearly break...

Chioma threatens Davido on birthday

Ali Baba breaks sad news

 

NNPC 2019 National Science Quiz Competition

CBN banner advert

UBA Wise Savers Promo

 

Maggie's Blog
Latest Gist Halima Abubakar returns to nudity Davido promises his kid daughters more time, more love All dis Lagos sisi dem no go kill di son of man o! Star actor Chinedu Ikedieze (Aki) targeting another love? Getting regular body massage gives me joy — Ngozi Nwosu Nigeria’s TOP 10 Songs Dem say I must marry second wife (3) 3-day-old baby stolen in Plateau hospital Korode Bello receives spiritual powers from Pastor Tunde Bakare Cossy Orjiako returns to boobs flaunting Sammie Okposo going crazy . . . Dem say I must marry second wife (2)

 


Most Read Nigerian stars who cannot do without smoking (74,076 views) Veteran actor Kanayo O. Kanayo’s shocking discovery at Imo Government House (23,320 views) Anita Joseph breaks born again rule (20,479 views) See what Cossy Orjiakor wore to meet Sanwo-Olu (15,281 views) Nigerian music stars who may never shine again (12,369 views) Wife slaps Governor Obiano over mistress? (12,250 views) Expensive joke that may put Basketmouth in trouble (10,295 views) Nigeria’s TOP 10 SONGS this week (10,213 views) Cossy Orjiakor applies her magic wand again (10,099 views) Don Jazzy finally finds wife (8,456 views) Revealed: One thing Teni cannot do without (8,380 views) My failed marriage has left me scared and bruised for life — Eucharia Anunobi (8,374 views)

 

Africa Media Agency and Al Jazeera