Fidelity bank card banner Camano banner
Me sef do TraderMoni for my passenger dem

By News Express on 02/04/2019

Views: 745


On Saturday, I say make I rest small for house before I go our garage wey dey for near Ikeja under bridge.

My wife Bose wake me up around 5 O’clock a.m dat morning. E ask me weda I no want go work wey I come sleep till dat time. I tell am say I want rest small, say I go comot for house go garage around 9 O’clock a.m. in di morning.

As I just answer Bose finish, na im my second woman pikin, Funke come knock for bedroom door to ask me weda I no want go work. I tell am di same ting wey I tell im mama.

Small time, my first woman pikin Bisi come ask me di same question, and I give am di same answer.

Na so me and my wife dey for bed till 9 O’clock a.m. dat morning. We dey do straight sleep and bend bend sleep at di same time.

Wen we comot for bed, our belle sweet no be small. If you see di kind breakfast wey Bose serve me dat morning before I comot for house, hmmm, you go tink say na oyibo want eat am. I sabi say my wife use am to compensate me for a job weldone dat morning. Yes nah.

Me sef, as I drive my guonguoro dey go for our garage, my belle sweet me well well. I just dey sing orisirisi church song and na so I just dey smile upandan. Who talk say to marry better wife no sweet? I mean wife wey sabi wetin dey o!

I reach garage, park my guonguoro and come down, I still dey sing, dey smile, sote I come dey clap hand join sef.

Na Jimoh, our union chairman, first notice my sweet belle. E ask me weda I don win NaijaBet. I tell am say wetin I win pass NaijaBet.

Noting wey Jimoh and our order union member dem no do make I tell dem wetin make all my body sweet me like dat for dat Saturday morning. But na lie, I no fit tell dem.

Tell dem what? Tell dem say me and my wife do bend bend sleep dat morning? Dem wey marry wife full di hole Lagos, dem dey tell me dia own tori?

Becos of how I happy, I dash all di passenger wey I carry dat day 50 per cent discount. And na so all my passenger dey tank and pray for me troughout dat Saturday.

But I no call am TraderMoni, I call my own PassengerMoni. Weda or wedan't I go continue after dis time out, I no fit answer.

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 02/04/2019 11:27:33 AM

 

 

CLASSIFIED ADS

 

You may also like...
Star actor Chinedu Ikedieze (Aki) targeting another love?...

3-day-old baby stolen in Plateau hospital

Yemi Alade in the news for the wrong...

Stephanie James crowned Miss Nigeria Icon 2018

Star actress Bimbo Akintola’s best birthday gift

Slay Queen Rita Dominic out to kill?

Dem say I must marry second wife (3)...

Nigeria’s TOP 10 Songs

Nigerian music stars who may never shine again...

Dele Momodu’s passion

Tiwa Savage clears the air

Emem Isong’s New Year survival strategy

 

NNPC Financial reports February 2019

CBN banner advert

UBA Wise Savers Promo

 

Maggie's Blog
Latest Gist Halima Abubakar returns to nudity Davido promises his kid daughters more time, more love All dis Lagos sisi dem no go kill di son of man o! Star actor Chinedu Ikedieze (Aki) targeting another love? Getting regular body massage gives me joy — Ngozi Nwosu Nigeria’s TOP 10 Songs Dem say I must marry second wife (3) 3-day-old baby stolen in Plateau hospital Korode Bello receives spiritual powers from Pastor Tunde Bakare Cossy Orjiako returns to boobs flaunting Sammie Okposo going crazy . . . Dem say I must marry second wife (2)

 


Most Read Nigerian stars who cannot do without smoking (73,712 views) Veteran actor Kanayo O. Kanayo’s shocking discovery at Imo Government House (23,301 views) Anita Joseph breaks born again rule (20,462 views) See what Cossy Orjiakor wore to meet Sanwo-Olu (15,246 views) Nigerian music stars who may never shine again (12,305 views) Wife slaps Governor Obiano over mistress? (12,225 views) Expensive joke that may put Basketmouth in trouble (10,272 views) Nigeria’s TOP 10 SONGS this week (10,188 views) Cossy Orjiakor applies her magic wand again (10,080 views) Don Jazzy finally finds wife (8,434 views) Revealed: One thing Teni cannot do without (8,356 views) My failed marriage has left me scared and bruised for life — Eucharia Anunobi (8,355 views)

 

Africa Media Agency and Al Jazeera