Fidelity bank card banner Camano banner

I wan do my birthday party (2)

By News Express on 08/02/2019

Views: 1,313


Before I siddon sef for Jimoh birthday party dat Saturday, one sisi like dat come ask me which food I wan chop. E say iyan, amala, fufu, eba, ewedu, efo, gbegiri, all dey.

I tell am make e bring me amala and ewedu. Before I open my eye, di food don land. Come see orisirisi meat full plate - shaki, bokoto, edo, roundabout, telephone wire. In short, orisirisi Eran dey dia.

Na so one bobo just nack me 5 bottle of shack at di same time, to take wash di hole ting down. I no know who tell am My Usual.

Small time, Jimoh come our table, come greet us. E come with 7 sisi. All di sisi dem, old and young, kneel down greet us. Jimoh say na im wife dem be dat.  All of dem wear di same aso ebi with Jimoh.

Di next ting, di MC begin announce say:

“Let us welcome Nigeria’s numero uno taxi driver in our midst this evening. He is a man many people are dreaming to meet one on one, but he is right here with us. He is the Honorable Secretary of the Taxi and Cab Drivers Association of Nigeria, Ikeja, Lagos State Branch, of which the celebrant of tonight is the Chairman. He is here with his Union’s EXCO members to rejoice with us. Please let us all rise as we heartily welcome the one and only

Oga MAT!!!”

As MC just mention my name, e come be like say dem put fire for Jimoh birthday party. See as everybody rush come my table to shake hand with me.

All di sisi sef rush come embreast me. Tori Olorun!  Everybody say, so na di Oga MAT wey dey nack all di sweet sweet tori for inside newspaper be dis?

Na so band begin play, and na so all di sisi and bobo dem begin dance with me. Instead make I spray dem money, na dem come dey spray me. And na so I just dey dance, dey throw my Agbada upandan. I dance all di Old Skul music wey band play sote my waist wan break. But I enjoy am, no be small.

As I go siddon for my seat to continue with My Usual, come see as all di paparazzi wey dey for dia just dey take my picture ti-ti-ti. I come talk am for my mind say so na me be dis? Na like dis people like me, ordinary taxi driver? Olorun modupe lowo re o!

Wen time reach for Jimoh to dance, come see as dollar dey fly left, right and center. All di politician dem wey dey dia turn di place to campaign ground. Una kukuma sabi say election na next week. And dem sabi say if dem get us exco, dem don get our Union be dat.

I sure say no how no how, Jimoh go don make like 10,000 dollar for di party. Naira nko?  Dat one just dey flow like River Benue.

Dat’s why, wen I reach house dat night, I no fit sleep. I just dey tink how me sef go do my birthday party quick, quick too. After all, what is good for di Kanda is also good for di Pomo. Who no like better ting?

Make we jam again on Tuesday.

Tank you.

Tank you very much.

And tank you very, very much indeed.

 

 

Source News Express

Posted 08/02/2019 04:50:23 AM

 

 

CLASSIFIED ADS

 

You may also like...
Nigeria’s TOP 10 Songs

Small Doctor scared of being thrown into jail...

SPECIAL FEATURE: How Folk and Rock music crooner...

TOP 10 Nigerian songs

Me and INEC, who neck dey pain?

BBNaija: 9 housemates on their way out this...

Genevieve Nnaji goes nude, sets internet on fire...

Kcee becomes ‘The King in Naples’ •Where to...

One thing Don Jazzy cannot do without

I wan follow do cinema

ABOMINATION: Man rapes mother, mother-in-law; blames alcohol

TOP 10 Nigerian Songs for This Week

 

CBN milk production

CBN banner advert

UBA Wise Savers Promo

 

Maggie's Blog
Latest Gist Who wants Wizkid dead? Juliet Ibrahim, Iceberge Slim back in love And Timaya turns 39 Nigeria’s TOP 10 Songs My people say make I no change work Bad news for Tonto Dikeh BBNaija: 9 housemates on their way out this week Seven governors to mount Red Carpet at 2019 Nigeria Media Nite Out Awards SPECIAL FEATURE: How Folk and Rock music crooner Johnny Drille’s life turned around in 2 Days O, my Sallah meat! Tuface sick, hospitalised and under doctors’ close watch Alas, Tekno offloads his half nude girls in Agege

 


Most Read Nigerian stars who cannot do without smoking (83,557 views) Husband dashes Mercy Johnson’s hopes, turns her to sales girl ahead of birthday (31,078 views) Veteran actor Kanayo O. Kanayo’s shocking discovery at Imo Government House (23,902 views) Anita Joseph breaks born again rule (21,242 views) Popular female gospel artiste whose love for cigarettes and spirits is unequalled (16,764 views) See what Cossy Orjiakor wore to meet Sanwo-Olu (16,093 views) Wife slaps Governor Obiano over mistress? (15,973 views) Nigerian music stars who may never shine again (14,519 views) Cossy Orjiakor on wheelchair after attack by ‘evil’ pussycat (11,233 views) Expensive joke that may put Basketmouth in trouble (10,871 views) Cossy Orjiakor applies her magic wand again (10,658 views) Nigeria’s TOP 10 SONGS this week (10,552 views)

 

Africa Media Agency and Al Jazeera