NLNG Corporate Caring banner FirstGem 3rd anniversay lecture Fidelity bank card banner Emerald Energy Institute Camano banner

Uniform na cloth, na tailor dey sew am

By News Express on 08/01/2019

Gmail icon

Views: 1,675


Xmas and New Year don finish, everybody eye don open. All di gragra wey people dey do since November don stop.

People wey talk say if dem no travel go dia village for Xmas dem go peme, all of dem don come back and na so Lagos road don come full again patapata.

See like dat yesterday Monday wey school pikin dem resume, everwia full, no be small.Come see as people dey rush bus for bus stop, and di bus wey dey for road sef no reach di people lai lai. Dat's why plenty passenger dem come our garage to take drop, some take for charter.

But di ting wey come happen be say, as passenger full for road, na so orisirisi uniform people full too, and all of dem dey check motor particulars.

I carry one bobo like dat go Mile 2.  We comot for garage, say make we pass Anifowose. As we just reach dat Ikeja Club junction, na im Olopa dem stop me. Dem first greet me happy new year, I say same to you.

After dat, one of dem come say make I bring particulars, I bring out my guonguoro particulars give am, complete!

Di Olopa come say weda I be JJC for Lagos wey make me no sabi wetin particulars be. I tell am say di time wey I don begin dey drive taxi for Lagos, I sure say im still dey run around naked for im village.

Di olopa come say why I talk to am like dat, weda I don forgot say im be gofment officer. I say officer ko, recruit ni. E cock gun, carry di gun point for my head like say e wan shoot. Na im dia oga ask am wetin happen, e tell im oga say I insult am.

Di oga come shout for my head, e say why I insult officer wey dey duty with im full uniform. I come tell di oga di ting wey happen. Di oga ask me which taxi park be my own, I tell am say na di garage wey dey for near Ikeja under bridge. E ask me my name, I tell am say my name na Olugbenga, Olutayo Olugbemiro, but people dey call me Oga MAT.

Di oga olopa quick, quick stand for attention and give me full salute. E say whaaaat?  E say so na me be di Oga MAT wey im dey read all di tori wey e dey nack for newspaper? I tell am say na me be dat o.

Di oga olopa come call all im boys wey dey for dia, e say make dem come see Oga MAT o.  Na so all of dem come gather me, dem come dey take selfi with me upandan.

Before we comot for dia, e pass one hour. As we dey go, my passenger just dey look me, e say which kind taxi driver I be wey Olopa dem dey celebrate like dat. E say I be strong man o. I tell am say na God do am o.

From dat Ikeja, go reach Mile 2, we pass orisirisi uniform dem - Olopa, Custom, Road Safety, VIO, Yellow Fever, Maja Maja, LASMA, Soja. E remain make Boys Scout,  Boys Brigade, Man O’ War and Red Cross begin stand for road dey check particulars like say na me send dem make dem go wack dia money finish for Xmas and new year.

But di ting wey I know be say, Abami Eda don talk am tele tele say any uniform na cloth, and na tailor dey sew am.

Make we jam again for Friday.

Tank you.

Tank you very much.

And tank you very very much indeed.

Source News Express

Posted 08/01/2019 11:18:49 AM

 

 

CLASSIFIED ADS

 

You may also like...
Nigeria’s TOP 10 SONGS this week

Supermodel Naomi Campbell shows off nipples at fashion...

Nigeria’s TOP 10 Songs

Journalist demands N600 million from 2Face Idibia’s manager...

Helep! My wife Bose and Sikiratu dey for...

Soja jam olopa, olopa jam soja. No case!...

Tiwa Savage suffers romantic depression

Mike Nliam’s celebrated new status

BBNaija: The secret behind Mercy’s win

TOP 10 Nigerian songs

Alaye Boys don scatter area

Helep! I don carry Mammy Water!

 

CBN milk production

CBN banner advert

UBA Wise Savers Promo

 

Maggie's Blog
Latest Gist Have you done everything possible yet nothing happens? Dakore Egbuson offers a way out Let’s have one passport for Africa — Burna Boy SPECIAL FEATURE: Top 5 Music Labels in Nigeria, By Itty Okim Alaye Boys don scatter area Disquiet as Nigerian Society of Engineers holds annual meeting How God shocked Lilian Bach on her birthday Jim Iyke declared wanted Nigeria’s TOP 10 Songs Python Dance ko, frog jump ni (2) Regina Daniels goes back to school Actors Guild disowns woman caught in Canada with identity thefts but… SPECIAL FEATURE: What about Zlatan’s Zanku Album?

 


Most Read Nigerian stars who cannot do without smoking (86,726 views) At last, Davido reacts to Chioma’s shirtless ex-boyfriend photo (57,517 views) Husband dashes Mercy Johnson’s hopes, turns her to sales girl ahead of birthday (31,697 views) Veteran actor Kanayo O. Kanayo’s shocking discovery at Imo Government House (24,416 views) Anita Joseph breaks born again rule (22,353 views) See what Cossy Orjiakor wore to meet Sanwo-Olu (17,342 views) Popular female gospel artiste whose love for cigarettes and spirits is unequalled (17,297 views) Wife slaps Governor Obiano over mistress? (17,203 views) Nigerian music stars who may never shine again (15,037 views) Jim Iyke declared wanted (13,120 views) Cossy Orjiakor on wheelchair after attack by ‘evil’ pussycat (11,829 views) Expensive joke that may put Basketmouth in trouble (11,362 views)

 

Africa Media Agency and Al Jazeera