Fidelity bank card banner Camano banner

S-I-K-I-R-A-T-U ! (2)

By News Express on 01/01/2019

Views: 1,200


Dis buka girl no go kill me o.  No wonder my wife Bose don talk am tele tele say dis taxi driver work  wey I dey do so, na ashewo work.  And I gree with Bose intoto.

But dis clone wey Sikiratu clone imsef, take come my house for Xmas day like man, my mind dey tell me say Madam Shine hand dey inside. If no be so, tell me,  for wia Sikiratu go see money take buy face cap, black eye glass, original jeans trouser, one better oyibo T-shirt like dat wey dem write for chest "New York City " and canvas wey only people like Dangote fit wear?

I come talk am for my mind say so Madam Shine dey package im buka girl make I give am belle and marry am? If na so, Bose nko?

But di ting be say, I dey suspect say me sef like Sikiratu no be small. Any time I see am, my mind go dey do jigi jigi like railway. Abi dis girl don give me juju chop?

Our union member, Akpan don talk am tele tele say for Calabar, dem dey call dat kind love juju "Kop no mi" Make e no be say Sikiratu don give me Kop no mi o.

As I see say Sikiratu clone imsef come my house like man dat Xmas day, I tell am make e begin go wait for me for our garage for Ikeja near under bridge. I tell am say I go come carry am for dia, make we find one Joint for town go do jolly jolly togeder for dat Xmas day.

Siki Babe turn im back dey go, I rush go bafroom, come see long queue! E no go better for dis Baba Braimoh face-me-I-face-you house wey we dey live so. Dis Ijebu man wicked no be small. How can e build house, put 21 tenant dem and build only one pako toilet and bafroom for back yard ?

I no fit begin wait, na im I run enter house, wear my shokoto trouser and jumper,  carry my guonguoro key. I tell my family say e dey one passenger wey say make I come carry am for charter go Ikorodu. Bose say sebi I talk am before say I no go work dat Xmas day. I tell Bose say I don change my mind.

Na im I jump enter my guonguoro, put key and open di ignition, di motor no gree start. I check fuel, I see say na full tank. I open bonnet, I check di engine and everywia, no show. See me wey be original mecho o.

Na so I dey for dia dey struggle to start my guonguoro, di ting no gree. I look time, na 7 O'clock pm in di evening already!  I carry phone to take call Sikiratu make I know weda e still dey wait for me for garage, my phone battery don die again!  Tori Olorun!

I come talk am for my mind say so na di result of all di cast and bind wey Bose and im two woman pikin dem do dat Xmas afternoon be dat?  Hmmm,  dis my wife Bose na witch o.

Make we jam again on Friday.

Tank you.

Tank you very much.

And tank you very, very much indeed.

 

Source News Express

Posted 01/01/2019 02:06:18 AM

 

 

CLASSIFIED ADS

 

You may also like...
TOP 10 Nigerian songs

Who wants Wizkid dead?

Zubby Michael promises fans cash splash on his...

Today na today

Nigeria’s TOP 10 Songs

Nollywood star Emeka Ike calls for the establishment...

Nigeria’s TOP 10 songs

TOP 10 Naija Songs

Yeye Orange

Jim Iyke learning the art of baby sitting...

TOP 10 Nigerian Songs for This Week

Basket Mouth scams thousands of fans

 

CBN milk production

CBN banner advert

UBA Wise Savers Promo

 

Maggie's Blog
Latest Gist Who wants Wizkid dead? Juliet Ibrahim, Iceberge Slim back in love And Timaya turns 39 Nigeria’s TOP 10 Songs My people say make I no change work Bad news for Tonto Dikeh BBNaija: 9 housemates on their way out this week Seven governors to mount Red Carpet at 2019 Nigeria Media Nite Out Awards SPECIAL FEATURE: How Folk and Rock music crooner Johnny Drille’s life turned around in 2 Days O, my Sallah meat! Tuface sick, hospitalised and under doctors’ close watch Alas, Tekno offloads his half nude girls in Agege

 


Most Read Nigerian stars who cannot do without smoking (83,479 views) Husband dashes Mercy Johnson’s hopes, turns her to sales girl ahead of birthday (31,054 views) Veteran actor Kanayo O. Kanayo’s shocking discovery at Imo Government House (23,899 views) Anita Joseph breaks born again rule (21,233 views) Popular female gospel artiste whose love for cigarettes and spirits is unequalled (16,758 views) See what Cossy Orjiakor wore to meet Sanwo-Olu (16,086 views) Wife slaps Governor Obiano over mistress? (15,944 views) Nigerian music stars who may never shine again (14,488 views) Cossy Orjiakor on wheelchair after attack by ‘evil’ pussycat (11,227 views) Expensive joke that may put Basketmouth in trouble (10,864 views) Cossy Orjiakor applies her magic wand again (10,652 views) Nigeria’s TOP 10 SONGS this week (10,545 views)

 

Africa Media Agency and Al Jazeera