Fidelity bank card banner Camano banner

S-I-K-I-R-A-T-U !

By News Express on 28/12/2018

Views: 1,408


S-I-K-I-R-A-T-U !

My people, how una take enjoy dat Xmas day gan? I sure say una do am well.  Noting sweet like make man pikin just balance for one corner with im babe for dis odun.

Na di kind ting wey I been wan do be dat for dat Xmas day, but Sikiratu no call me for phone as e promise. As I no see Sikiratu call, na im me I come dey call am ti ti ti ti. I call am sote my phone battery quench.  I tell my family say make I run go buy petrol make we take enjoy di Xmas.

Na so I come pour di fuel, put on di “I better pass my nebor” generator wey I don buy even before my first woman pikin Bisi born. I come dey charge my phone.  Bisi and Funke dey for kitchen dey helep dia mama to cook Xmas food.

As I siddon for parlour dey tink of Sikiratu, I no know wen sleep carry me. I come dey dream how me and Siki Babe just dey do lovi lovi like couple wey dey for honeymoon before Bose come wake me up.

Bose say since wen I siddon for di chair dey sleep, na so so fiom, fiom, fiom I just dey do for mouth. E ask me who I dey kiss for dream. Na dat time I come dey do like say I dey snore well well, I no want miss dat sweet dream. Bose na witch o. Why dis woman want stop my enjoyment half way? Tori Olorun!

Small time, Bose tap me for my shoulder, e say make I wake up, say di Xmas food go soon ready. I no mind am, E say e no go better for dat mami water spirit wey I dey kiss for inside dream. My wife come dey cast and bind. E come dey curse all di demon and evil spirit dem wey dey for dis world. Bisi and Funke come join dia mama to cast and bind. Dis people spoil my sweet dream patapata. My mind spoil, no be small.

Na im I come stand up and look my phone, disaster battery charge small. I look time, na 4 O'clock pm in di evening. Why Sikiratu do me dis kind ting nah? And na im been take im mouth talk say make we do Xmas togeder o.

As I dey tink, small time I come dey hear somebody knock for door pom, pom, pom, pom. Bisi rush go open di door and close di door back quick. E talk say na one man like dat with goatie bie bie dey for door.

I go out, I no sabi di person wey I see. As e remain only me outside, my visitor take im hand push im bie bie small, den use di order hand remove di cap for im head and di dark glass for im eyes.

Di next ting wey comot for my mouth na S-i-k-i-r-a-t-u !!!

So dis buka girl take style clone imsef like man, come meet me for my house for Xmas day? Olorun Oba o!

-to be continued.

Make we jam again on Tuesday.

Happy Xmas and a mary new year in advance.

Tank you.

Tank you very much.

And tank you very, very much indeed.

 

Source News Express

Posted 28/12/2018 05:03:46 AM

 

 

CLASSIFIED ADS

 

You may also like...
Special Feature: How Don Jazzy is making his...

Jim Iyke learning the art of baby sitting...

TOP 10 Nigerian Songs

My new dross dey shack me

Before they became stars: The pains and struggles...

Omotola reveals how she almost lost her daughter...

Buhari, Osinbajo, Oshiomhole sing for Nigerians at Christmas...

Nigerian elections: Northerners vote for presidents, Southerners vote...

I wan do my birthday party (2)

Why Nigerians don’t deserve electricity — BBNaija star...

Me sef want begin drive Uber

’Tion, Sir! All corrupt, Sir!!

 

CBN milk production

CBN banner advert

UBA Wise Savers Promo

 

Maggie's Blog
Latest Gist Who wants Wizkid dead? Juliet Ibrahim, Iceberge Slim back in love And Timaya turns 39 Nigeria’s TOP 10 Songs My people say make I no change work Bad news for Tonto Dikeh BBNaija: 9 housemates on their way out this week Seven governors to mount Red Carpet at 2019 Nigeria Media Nite Out Awards SPECIAL FEATURE: How Folk and Rock music crooner Johnny Drille’s life turned around in 2 Days O, my Sallah meat! Tuface sick, hospitalised and under doctors’ close watch Alas, Tekno offloads his half nude girls in Agege

 


Most Read Nigerian stars who cannot do without smoking (83,479 views) Husband dashes Mercy Johnson’s hopes, turns her to sales girl ahead of birthday (31,054 views) Veteran actor Kanayo O. Kanayo’s shocking discovery at Imo Government House (23,899 views) Anita Joseph breaks born again rule (21,233 views) Popular female gospel artiste whose love for cigarettes and spirits is unequalled (16,758 views) See what Cossy Orjiakor wore to meet Sanwo-Olu (16,086 views) Wife slaps Governor Obiano over mistress? (15,943 views) Nigerian music stars who may never shine again (14,488 views) Cossy Orjiakor on wheelchair after attack by ‘evil’ pussycat (11,227 views) Expensive joke that may put Basketmouth in trouble (10,864 views) Cossy Orjiakor applies her magic wand again (10,652 views) Nigeria’s TOP 10 SONGS this week (10,545 views)

 

Africa Media Agency and Al Jazeera