Fidelity bank card banner Emerald Energy Institute Camano banner

Chaaii, Xmas sisi dem don full every wia

By News Express on 27/11/2018

Gmail icon

Views: 1,600


Lagos sisi dem don turn Xmas time to anoda ting patapata. Since wey Xmas don dey near, di kind smile wey sisi dem dey smile for man pikin dem, don enter anoda level.

Any sisi wey be say since dis year, e no dey greet man, as dis Xmas period don show face, just look dat sisi small, na so e go first smile, den come dobale,  and greet you well well. And if di man no get sense, na so e go fall yakata for di sisi, e go tink say di sisi love am. Na dat kind one my friend Emeka go say, love onye ebe e? No be love anyting, na Xmas smile.

For dis my area, Abule Egba wey I dey live with my family so, plenty sisi dem go dey do like say dem no see me tele tele, talkless to greet me sef. Especially as dem dey see me everyday dey drive dis my guonguoro, dem just dey look me anya anya. I know dem go dey talk am for dia mind say, see dis poor old taxi driver. But since we enter for dis Xmas period,  tory don change. If you pass and you no see dem, dem go make sure say you see dem, and wen your eye don jam with dia own,  dem go come smile one kind smile like dat. Di next ting you go hear na, “Wetin you go give me for dis Xmas wey dey come so?”

On Saturday na so I  enter my guonguoro begin dey go for our garage for near Ikeja under bridge. I no comot for my street sef, na so all dis small small sisi dem dey smile dey greet me left, right and center. I answer dem so-te my mouth begin pain me. Tori Olorun!

As I reach for garage, Akpan our union Treasurer, give me one letter like dat. E say na one sisi bring come for me.

Na im I open di letter, my broda,  di ting wey my mouth see, my eye no fit talk am. Na Sikiratu write di letter o, dat girl wey dey work for Madam Shine buka  wey dey near Airport Hotel o.  Dat buka girl wey no go school before for im life!

Me, I sabi say I no go school, but at least I go night school reach Standard Five before I run comot for my village Ogbomoso, come  for Lagos as Arike want put me for trouble say I give am belle, and Arike papa wey be babalawo nearly finish me.

Di letter wey Sikiratu write na list wey long pass di list wey sisi family dey give bobo wey want marry dia pikin. Na list of tings wey Sikiratu say I go buy for am dis Xmas.

See me see wahala o. Just becos di order day wey I go relax small with “my usual” for Madam Shine buka wen sun dey hammer me for road, I dash Sikiratu di N50 change wey remain, na im dis girl tink say I be Dangote, come drop Xmas list for me.

Sikiratu write say:

“My belove Oga MAT, good mony o. How walk?  I say make I gif you dis my list with lof. Abeg you go baiy me dis tinks for my chrizmos o:

1. G-strin dross

2. Gold Necklest

3. Italya shoos

4. Oshodi Oke bra

5. Shimi

6. Half shimi

7. Oyibo hand bag

8. Risk watch

9. Chingkum

Oga MAT you no say I lof you welwel, and me sef I sabi say you lof me two. My lof, abeg buy efryting for me one week’s befor Xmas. By by o.

Na me your baby, 

Sikiratu.”

My broda, una see my wahala? Na wetin make I do?

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 27/11/2018 11:00:46 AM

 

 

CLASSIFIED ADS

 

You may also like...
Run! Ogbomoso wintch don land for Lagos!! (2)...

Ramsy Nouah turns movie director, unleashes blockbuster, ‘Living...

Chai! My pikin wan marry kidnapper

Who will save Cossy Orjiakor?

Aisha my lust!

Teni nominated Best New Artiste

Man kills neighbour over phone

Cossy Orjiakor goes haywire, organises G-string pants party...

TOP 10 Nigerian Songs

My problem with newbreed artistes — Tee Mac...

Zachee Orji takes up tailoring

Popular female gospel artiste whose love for cigarettes...

 

CBN milk production

CBN banner advert

UBA Wise Savers Promo

 

Maggie's Blog
Latest Gist Special Feature: TOP 5 comedians in Nigeria Ramsy Nouah turns movie director, unleashes blockbuster, ‘Living in Bondage: Breaking Free’ Like Naomi Campbell, like Tiwa Savage Jimoh wan become Honourable for Abuja Olamide vs Zlatan: Fans at war Yul Edochie storms son’s school with entire family Nigeria’s TOP 10 songs No be only Prof, na VC Xenophobia forced me out of Lucky Dube’s band as lead vocalist — Nigerian reggae artiste Phyno strokes the hearts of beautiful girls SPECIAL FEATURE: The Afrobeat you never knew Wedding Bells: Davido’s baby mamas spoil for war

 


Most Read Nigerian stars who cannot do without smoking (84,706 views) Husband dashes Mercy Johnson’s hopes, turns her to sales girl ahead of birthday (31,363 views) Veteran actor Kanayo O. Kanayo’s shocking discovery at Imo Government House (24,085 views) Anita Joseph breaks born again rule (21,507 views) Popular female gospel artiste whose love for cigarettes and spirits is unequalled (16,921 views) Wife slaps Governor Obiano over mistress? (16,722 views) See what Cossy Orjiakor wore to meet Sanwo-Olu (16,295 views) Nigerian music stars who may never shine again (14,713 views) Cossy Orjiakor on wheelchair after attack by ‘evil’ pussycat (11,483 views) Expensive joke that may put Basketmouth in trouble (11,052 views) Cossy Orjiakor applies her magic wand again (10,836 views) Nigeria’s TOP 10 SONGS this week (10,703 views)

 

Africa Media Agency and Al Jazeera