NLNG Corporate Caring banner First bank SME Connect Fidelity bank card banner Emerald Energy Institute Camano banner

Dem say I must marry second wife (2)

By News Express on 11/06/2019

Gmail icon

Views: 1,129

Na so di four both of my village elder dem waka come wia I siddon. I kukuma come do like say I no see dem tele tele.

I come form happiness. I open my teeth, do like say e too sweet me to see dem for my garage. Dem sef happy well well to see me.

Di first elder ask me weda I no remember am again. I say no, but dat im face resemble somebody wey I sabi.

Di elder say me and im be classmate tipe tipe  for our village night school. Say, weda I don forgot dat boy wey dey siddon after di table wey me and Arike dey siddon for Standard 5. I come shout im name, Segun! Na so we come emBreast oursef.

Na dat time di order 3 elder dem come introduce demsef, one by one. I come see say I even senior dem. I come talk am for my mind say na only God know wetin make dem old like say na dem senior Pa Awo.

Dem come ask me wetin I dey chop wey make me still look like bobo. I tell dem say na God. Dem say dis Lagos favour me no be small. I say na God.

I ask dem wetin make I give dem, dem say dem no go take anyting, say na di Kabiyesi of our village for Ogbomosho send dem come meet me.

Dem say if I wan give dem anyting, no be for garage, dat I must take dem go my house wia dem go deliver di message wey Kabiyesi send dem.

Me? Kabiyesi? Message? My house? My village people?

I say well, we go go my house, but first I must use water take welcome dem as our tradition talk am. Water na for peace nah.

Na im I call di mama wey dey sell pure water for our garage. I say make e bring four bottle water come, cold one.

As I give my village elder dem di water, dem say so na dis kind water I dey drink, no wonder my body fresh like young bobo own. All of us come laugh togeder.

My phone begin ring. I pick di call. Na Bose my wife. Bose ask me for phone say wia I dey. I tell am say I dey with some people for garage.

Bose ask me which people be dat. I lie to my wife say dem be passenger wey wan take me for charter. Bose say e see danger, make I just dey careful and make I try close quick dat day and come house early. I tell Bose say okay, no troublem.

Bose say but no matter wetin di enemy don plan, God go return am back to sender. E say im dey pray since wen God show am di vision dat morning.

Dat ting wey my wife talk touch me well well. Any time Bose talk like dat, I no dey take am play becos Bose na real prayer warrior for dia church, and e dey see road well well.

My  village elder dem say dem don ready make we dey go my house make dem go deliver Kabiyesi message, say dem must go back to village dat same day.

Wetin Bose talk for phone  just enter my mind. Se na dis my village elder dem be di danger wey Bose see for vision? If na dem, wetin make I do? Abi I go tell dem say I no go carry dem go my house?

Well, na one time man dey take peme. I tell dem make dem come enter my guonguoro make we begin go my house. I open door for dem, and all of dem enter.

(To be continued)

Make we jam again on Friday.

Tank you.

Tank you very much.

And tank you very, very much indeed.

Source News Express

Posted 11/06/2019





You may also like...
Actors Guild disowns woman caught in Canada with...

Zachee Orji takes up tailoring

Davido’s baby mamas unite at Yuletide

Who send you come? Tell am say I...

We sef dey target our own minimum wage...

Revealed: The 3 passions of Ibinabo Fiberesima

Cossy Orjiakor goes haywire, organises G-string pants party...

Chai! My pikin wan marry kidnapper

Run! Ogbomoso wintch don land for Lagos!!

O, my Sallah meat!

Adekunle Gold drops another chart buster

I wan do my birthday party (2)


CBN milk production

CBN banner advert

UBA Wise Savers Promo


ICT Monitor
Latest News Obiano creates Digital Entrepreneur Office in bid to tackle youth unemployment African masts operator Helios Towers begins trading on London Stock Exchange, prices IPO at low end of range A Guide to What’s Happening in the Fintech Revolution Nigeria ready for 5G, says Communication Minister MTN Nigeria’s new Board the best in Africa — Zinox Chairman Apple set to unveil new iPhone Beware! Some mobile phones are hazardous – NCC Huawei to launch new handset without Google Apps Vandalism greatest threat to telecom growth in Nigeria, Says NCC Monarch advocates special funding for ICT education Of telcos, OTTs and cyber-security threat CBN awards financial services licence to MTN subsidiary


Most Read Panic in White House after man sets himself on fire (2,157 views) Huawei: US blacklist will harm billions of consumers (2,099 views) ATCON, ALTON, others call for Executive Order to stem multiple taxes (2,080 views) Vodacom concludes 2019 Annual Inter-School Robotics Training Workshop (1,992 views) NCAA shelves destruction of over 7,000 telecom masts (1,942 views) National Broadband Conference rescheduled (1,877 views) Switch launches App that eliminates transaction fee on transfer (1,835 views) ATCON holds symposium on post-Nigeria National Broadband Plan (1,772 views) Glo signs deal with Nokia Alcatel-Lucent •Bella Disu, Patrick Pouyanné, Aliko Dangote, 147 Global CEOs attend Choose France Summit at Château de Versailles (1,764 views) Adopt technologies in future elections, ATCON urges FG (1,726 views) Google ‘retaliating’ after worker protest (1,710 views) NCC commends Airtel; says broadband penetration now 33% (1,706 views)


Africa Media Agency and Al Jazeera