NLNG Corporate Respect banner First bank FinTech summit Fidelity bank card banner Emerald Energy Institute Camano banner

My pikin want marry oyibo

By News Express on 22/01/2019

Gmail icon

Views: 1,676

I no just understand wetin dey happen for dis our contry again. Everybody dey for strike. And di one wey no dey, dey plan to begin dia own strike any time soon.

See like teacher dem wey dey teach for university, dem don begin dia strike tipe tipe. Since last year dem siddon for house, no work. Na only God know wetin dem dey find for gofment hand.

Before, before dem dey talk say teacher reward dey for heaven, but now teacher no want wait to get dia pepper for heaven, dem want am now, now, now. You blame dem?

Na so all dis school pikin dem dey waka for street everyday, from morning till night. Some of dem don join bad gang, and I sure say plenty of di woman pikin dem no go fit go back school wen di strike finish, becos dem go don carry belle.

Dose school pikin dem wey manage pass di almighty JAMB last year, dem no fit enter school till now, and di ones wey want take JAMB dis year, dem no even know which time dem go enter school, all becos of strike.

Dem say dia name na ASUU. Why dis ASUU people wicked like dis? Why dem go take dia own wahala put sand sand for anoda man garri? Why? I say why?

See my first woman pikin wey I give money di order day make e take enter for JAMB. Yesterday, wen I reach house for night, I don tire patapata. Bisi no even let me park my guonguoro well, na im e come meet me, e say e get wetin e want tell me. I tell am say weda dat ting wey e want tell me no fit wait till I enter house, baf and chop finish. Bisi say di ting dey very urgent and e no fit wait.

Na so Bisi enter passenger seat for front of my guonguoro, e begin tell me say e get one fine broda like dat wey want come meet me in di morning.

I ask am who be di broda and wetin e want come meet me for. Bisi say di bobo na im friend, but e no know why di broda want come meet me.

I ask am weda e don tell im mama, e say na im mama e first tell. I ask am wetin im mama talk, e say im mama say if I gree, im sef don gree. I ask am wetin be di broda name, e say na oyibo.

Oyibo?  Hmmm.  I tell Bisi say no troublem, make e tell di oyibo make e come by 7 o'clock a.m in di morning before I enter road.

Dis morning, na im I hear pom, pom, pom for door. I check time, na 7 o'clock a. m sharp. I just baf finish,  I dey wear my shokoto trouser for room wen Bisi rush come tell me say di oyibo don come. I tell am make e let am enter for parlour siddon wait for me.

As I just enter parlour, come see who dey wait for me!

I ask Bisi weda na di oyibo be dis, e say yes. I ask di bobo wetin e find come , e say e want marry my pikin Bisi.

Na im I give Bisi one dirty slap for im face ppuuaarrrhh!!! If no be say im mama and im junior sister hold me, I for cut Bisi ear comot.

So becos of ASUU strike, my pikin want marry afin wey dey do agbero work for Mile 12!  Tori Olorun!

As I rush enter room come out,  no be person tell dat useless agbero to run comot for my house. Marry ko, divorce ni.

Abeg make we jam again on Friday.

Tank you.

Tank you very much.

And tank you very very much indeed.

Source News Express

Posted 22/01/2019





You may also like...
Man kills his mother, makes love to her...

Ali Baba breaks sad news

Nigeria’s TOP 10 Songs

Cunny man die, cunny man bury am (2)...

Timi Dakolo ‘drops’ case against Pastor Fatoyinbo to...

Ileya fowl don full my house

Oritsefemi storms Barcelona with afrobeat

Day WAJE was put on a hot seat...

Duncan Mighty returns from overseas trip, goes for...

UNN now haven of rape?

TOP 10 Nigerian Songs

Star actor Chinedu Ikedieze (Aki) targeting another love?...


CBN milk production

CBN banner advert

UBA Wise Savers Promo


ICT Monitor
Latest News African masts operator Helios Towers begins trading on London Stock Exchange, prices IPO at low end of range A Guide to What’s Happening in the Fintech Revolution Nigeria ready for 5G, says Communication Minister MTN Nigeria’s new Board the best in Africa — Zinox Chairman Apple set to unveil new iPhone Beware! Some mobile phones are hazardous – NCC Huawei to launch new handset without Google Apps Vandalism greatest threat to telecom growth in Nigeria, Says NCC Monarch advocates special funding for ICT education Of telcos, OTTs and cyber-security threat CBN awards financial services licence to MTN subsidiary Ijaw youths begin shutting down of MTN, Glo, Airtel masts in Bayelsa


Most Read Panic in White House after man sets himself on fire (2,085 views) Huawei: US blacklist will harm billions of consumers (1,944 views) ATCON, ALTON, others call for Executive Order to stem multiple taxes (1,941 views) Vodacom concludes 2019 Annual Inter-School Robotics Training Workshop (1,836 views) NCAA shelves destruction of over 7,000 telecom masts (1,802 views) National Broadband Conference rescheduled (1,728 views) ATCON holds symposium on post-Nigeria National Broadband Plan (1,699 views) Glo signs deal with Nokia Alcatel-Lucent •Bella Disu, Patrick Pouyanné, Aliko Dangote, 147 Global CEOs attend Choose France Summit at Château de Versailles (1,688 views) Switch launches App that eliminates transaction fee on transfer (1,677 views) Adopt technologies in future elections, ATCON urges FG (1,663 views) Google ‘retaliating’ after worker protest (1,633 views) NCC commends Airtel; says broadband penetration now 33% (1,631 views)


Africa Media Agency and Al Jazeera