NewsExpress banner Firstbank Verve banner Fidelity bank card banner Umm Sulaim's Thoughts Camano banner

I wan follow do cinema (2)

By News Express on 04/12/2018

Gmail icon

Views: 1,785


Oga producer come tell me say make I report back 7 o’clock a.m. in di morning di next day. E carry me enter im office, bring out one Ghana-Must-Go bag wey dey for under im table.

E bring out plenty money, count am finish and give me. E say make I count am, I tell am say no need. I never see dat kind plenty money before since wen I comot for my village for Ogbomoso 1965 come learn mecho for Lagos before I enter dis my taxi driver work.

I wan put di money for my shokoto trouser, but oga producer say make I count am first. Which year I go take count dis kind plenty money finish? But sha,  I begin count am, and na so my hand and my leg, in short,  all my body come dey shake like shakespear. E take me like one hour before I count di money finish. N200, 000.00 ! Olorun Oba o!!!

Oga producer come give me paper say make I sign for di money. I tell am say make e give me ink make I do thump print, say na night school I go for my village and stop for Standard 5 before I run come for Lagos.

Wen I finish to count di money, e come tell me say na advance pay be dat, say I go get my balance wen we shoot di cinema finish. I come talk am for my mind say so I go still collect anoda N100, 000! Tori Olorun!!!

I no just near our garage wey dey for Ikeja dat day again. Wetin I wan go do for dia with dis kind plenty money for my shokoto trouser pocket? How much wey passenger dey pay me for drop sef? See me wey no even start di cinema work and dem don pay me N200, 000 advance! I no know say na like dis all dis cinema people dem dey enjoy o.

Bose my wife and my two pikin dem - Bisi and Funke - surprise to see me come back house for afternoon. As I reach, I first tell Bose make e give me chill ice pure water tutu make I drink. As I drink finish, I tell my wife say make e ready to go market go buy tings wey e go take cook better soup and pounded yam. Say for dat soup, e must put bokoto, roundabout, telephone wire, ishon, pomo, eja tun tun, in short, orisirisi eran. Bose, Bisi and Funke just dey look me anya anya. I ask Bisi and Funke how much be di money for dia JAMB and GCE. Dem say na N50, 000 for di two both of dem. I say no wahala. I ask dem weda Baba Braimoh – our landlord dey for house, dem say e dey. I say no wahala, dat all dat insult wey Baba Braimoh and dat im tiny wife dey insult me becos of dis dia face-me-I-face-you house go stop today.

I first bring out di business card wey oga producer give me for im office, give Funke make e hold am for me. I come relax small, smile, den come put hand for inside my shokoto trouser, come dey bring out di money, bundle by bundle, like Ganduje, put am for center table.

Come see as my wife and pikin dem open dia mouth so-te fly nearly enter. Dem shock reach bone.

Di next ting be say we hear pom, pom, pom for our door. All of us come shout at di same time, “Na who be dat!!!”

(to be continued)

Make we jam again for Friday.

Tank you.

Tank you very much.

And tank you very, very much indeed.

 

Source News Express

Posted 04/12/2018

 

 

CLASSIFIED ADS

 

You may also like...
See as Sinator dance naked for market place...

AMAA 2019 nominees at a glance

What’s going on between Basket Mouth and Wizkid?...

Yul Edochie storms son’s school with entire family...

I wan change dis my work

Nigeria’s Top 10 Songs

I wan follow do cinema (3)

Jim Iyke declared wanted

Tony One Week weeps •Says Africa now a...

How detained Dino Melaye celebrated son’s birthday from...

Actress breaks blood oath with lover, invites well...

Randy soldier defiles 3-year-old girl in Abuja

 

CBN milk production

CBN banner advert

UBA Wise Savers Promo

 

ICT Monitor
Latest News NCC establishes Emergency Communication Centres in 18 states, launches 112 Toll-Free Emergency Telephone Number How secure is Nigeria’s cyberspace? How First Bank Fintech Summit contributes to bridging Nigeria’s financial inclusion Anticipation heightens for ‘Celebrating You 2019’ gathering of cream of Nigeria’s ICT ecosystem UK to develop new national broadband plan for Nigeria FG commissions e-Government Training Centre for capacity building Obiano creates Digital Entrepreneur Office in bid to tackle youth unemployment African masts operator Helios Towers begins trading on London Stock Exchange, prices IPO at low end of range A Guide to What’s Happening in the Fintech Revolution Nigeria ready for 5G, says Communication Minister MTN Nigeria’s new Board the best in Africa — Zinox Chairman Apple set to unveil new iPhone

 


Most Read Huawei: US blacklist will harm billions of consumers (2,273 views) ATCON, ALTON, others call for Executive Order to stem multiple taxes (2,265 views) Panic in White House after man sets himself on fire (2,238 views) Vodacom concludes 2019 Annual Inter-School Robotics Training Workshop (2,168 views) NCAA shelves destruction of over 7,000 telecom masts (2,126 views) National Broadband Conference rescheduled (2,063 views) Switch launches App that eliminates transaction fee on transfer (2,004 views) Glo signs deal with Nokia Alcatel-Lucent •Bella Disu, Patrick Pouyanné, Aliko Dangote, 147 Global CEOs attend Choose France Summit at Château de Versailles (1,869 views) ATCON holds symposium on post-Nigeria National Broadband Plan (1,847 views) Adopt technologies in future elections, ATCON urges FG (1,819 views) Google ‘retaliating’ after worker protest (1,799 views) NCC commends Airtel; says broadband penetration now 33% (1,783 views)

 

Africa Media Agency and Al Jazeera